БСШУ-ы
сайд Ё.Отгонбаяр “Энэ жил Засгийн газрын тэтгэлгээр Польш, Унгар,
Украин, Румын, Болгар, Хорват, Вьетнам, Лаос, Куба, БНХАУ, БНЭУ, ХБНГУ,
ОХУ, Казахстан, Туркт бакалавр, магистр, докторын зэрэг горилохоор 813
оюутан хилийн дээс алхана. Зарим сонгон шалгаруулалт үргэлжилж байна.
Удахгүй ОХУ, Казахстаны тэтгэлэгт хамрагдах эрх авах шалгаруулалт
эхэлнэ” гэж мэдээллээ. Түүнээс дараах асуултад хариулт авлаа.
-Тэтгэлэгт хамрагдахыг хүссэн оюутнуудад нийтлэг ямар шалгуур тавьж байгаа вэ?
-Суралцах гэж байгаа орон, мэргэжлээсээ шалтгаалж, хэлний мэдлэг, бусад шаардлагатай хичээлийн шалгалтад тэнцэх хэрэгтэй. Суралцуулах тухай эцсийн шийдвэр хүлээн авсан суралцагч сургуульдаа үнэ төлбөргүй суралцаж, тэтгэлэг авна. Замын зардлаа суралцагч өөрөө хариуцна.
-Засгийн газрын тэтгэлэгт ихэвчлэн дарга нарын хүүхэд хамрагддаг. Монгол оюутнууд гадаадад очоод сургуульдаа явалгүй хараар ажилладаг. Энэ талаар та юу хэлэх вэ?
-Хэн нэг даргын хүүхэд шал галтын журмын дагуу бус ар гаар тэт гэлэгт хамрагдсан байвал баримттай гаргаад ир. Би арга хэмжээ авъя. Өнгөрсөн жил сонгон шал гаруулалтыг будлиангүй байл гах үүднээс багш нарыг шалгалт эхлэхийн өмнө шодож сонгосон. Тийм болохоор ямар нэг хээл хахууль өгөх, авах боломж байгаагүй. Монгол оюутнууд харин ч сайн суралцдаг. Алга болчихдог хүн байсан. Гэхдээ одоо тийм зүйл гарахаа больсон.
-Тэтгэлгээр суралцсан оюутнууд буцаж ирж байгаа эсэхийг хянадаг уу?
-Ихэнх оюутан сургуульдаа үргэлжлүүлэн суралц даг. Гадаадын их, дээд сургуульд улсын зардлаар су ралцсан оюутнуудын төлбөрөөс жил бүр сая гаруй долларын өр хү чингүй болдог. Энэ нь тэр оюутнууд эх орондоо ажиллаж байна гэсэн үг. Өнгөрсөн жилийн байдлаар 13 оронд 3000 гаруй оюутан Засгийн газрын тэтгэлгээр суралцсан.
