Олон улсын эмэгтэйчүүдийн баярыг тохиолдуулан МҮОХ-ны “Спорт ба
эмэгтэйчүүд комисс ажил үйлсээрээ манлайлсан шилдэг бүсгүйчүүдээ өчигдөр
“Olympic House”-д хүлээн авч уулзан шагнаж урамшууллаа. Уг ёслолд
МҮОХны ерөнхийлөгч Д.Загдсүрэн, БТСГ-ын дэд дарга Д.Сүрэнхорлоо, болон
тус комиссын дарга, УИХ-ын гишүүн Д.Арвин, зохицуулагч П.Тунгалаг,
МҮОХ-ны Олимп судлалын төвийн захирал Ж.Баасанхүү тэргүүтэй төлөөлөгчид
оролцож бүсг үйчүүддээ халуун баяр хүргэсэн юм.
Говь-Алтай аймагт волейболын спортыг хөгжүүлэхийн төлөө идэвх санаачилгатай ажиллаж, залгамж халаа тамирчдаа бэлтгэж буй гавьяа зүтгэлийг нь үнэлж, С.Настыг “Олимпийн алдар”- аар шагнасан бол хөр цастай олон жил нөхөрлөсөн, өдгөө ч “зандан хүлэг”- ээ орхиогүй цанын спортын мастер Д.Хишигдорж, нийслэлийн 86 дугаар сургуулийн багш Н.Юнгээ нар уг одонг энгэртээ зүүв.
“Эрэл” сургуулийн захирал, талбайн теннистэй сэтгэлээ холбосон Ц.Алтанцэцэг, залуудаа тэшүүрчин байсан М.Цэцэгээ, спортын бүжгийг эх орондоо хөгжүүлэх итгэлээр дүүрэн буй дасгалжуулагч О.Саранхүү нар “Алтан медаль”-ийн эзэн боллоо. Шагналтнуудын эгнээнд хоёр эрэгтэй багтсан нь сонин.
Гэхдээ спортын эмэгтэйчүүдийг дэмждэг гэдэг утгаар нь волейболчин охидыг бэлтгэж байгаа “Enacoree” клубийн эзэн, Чан Жи-Хон, олс таталтын бүсгүйчүүдийн багийн дасгалжуулагч, улсын начин Б.Адъяахүү нар “Алтан медаль”-ийг хүртсэн юм.
