“Өнөөдөр” сонин үр хөндөлтийг зогсоох хууль санаачлах тухай хэлэлцүүлэг өрнүүлж байгаа. Энэ хэлэлцүүлгийг Эрүүл мэндийн сайд С.Ламбаа дэмжиж байна. Өнгөрсөн мягмар гаригт Төрийн ордонд алдарт эхийн одонтой 1000 эхчүүдийн чуулганы үеэр тэрбээр эхчүүдэд хандаж хэлсэн үгэндээ охид, бүсгүйчүүддээ хандаж үр хөндөлтийн эсрэг дуу хоолойгоо хүргэхийг уриалжээ.

“Улсын хэмжээнд нөхөн үржихүйн тулгамдсан асуудал болоод байгаа үр хөндөлт хийлгэхгүй байхыг охид, бүсгүйчүүдэд ухуулахад та бүхний үг үнэтэй” гэж С.Ламбаа сайд хэллээ. Эрүүл мэндийн сайдын санаачилгыг УИХ-ын гишүүн асан Б.Мөнхтуяагийн тэргүүлдэг Одонтой эхчүүдийн холбооноос дэмжиж, охид бүсгүйчүүдэд хандаж үр хөндөлтийн эсрэг уриалга гаргахаар болжээ.

www.mongolnews.mn - Эх нутгийн чимээ