“Иргэдийн шударга шүүх” ТББаас хоёрдугаар сарын 23-нд Монгол Улсын Үндэсний аюулгүй байдлын зөвлөлийн Ажлын албаны дарга Б.Хурцын асуудлаар Английн Элчин сайдын яаманд шаардах бичиг хүргүүлсэн. Уг шаардах бичгийн хариу иржээ. Английн Элчин сайд Торда Абботт Вотт хариу захиандаа ”Миний бие Б.Хурцын асуудлаар тодорхой тайлбар өгөх боломжгүй.
Учир нь тэрбээр шилжүүлэн өгөх шүүхийн шийдвэрийн эсрэг давж заалдах болсон ба шүүх үйл явц бүрэн дуусаагүй байна. Түүнийг баривчилсан явдал нь Монгол Улстай тогтоосон дипломат болон худалдааны харилцаатай ямар ч холбоогүй болохыг би маш итгэлтэйгээр хэлэх байна.Английн шүүх нь Засгийн газраас бие даасан үйл ажиллагаа явуулдаг эрх бүхий байгууллага юм. Б.Хурцыг ХБНГУын шүүхийн тогтоолын дагуу баривчилсан. Үүнд улс төрийн сэдэл байхгүй” хэмээн онцолжээ.
Харин “Иргэдийн шудрага шүүх” ТББ-ын тэргүүн Х.Бат-Ялалт, “Англи улс Монгол Улсыг доромжилж байна. Эл захид лаас Английн Элчин сайдын яам Б.Хурцын талаар их мэдээлэлтэй байгаа нь хараг даж байна. Тиймээс Монголын Засгийн газар харийн оронд саатуулагдсан иргэнээ эргүүлэн авч, эрх ашгийг нь хамгаалах хэрэгтэй” гэв. Энэ асуудлаар ирэх даваа гаригт “Монголын үнэ цэнэ ба Б.Хурц” сэдвээр нээлттэй хэлэлцүүлэг зохион байгуулах юм.
