Ганц бие эмэгтэйчүүд нөхөртэй эмэгтэйчүүдээс чинээлэг

Ганц бие эмэгтэйчүүд нөхөртэй эмэгтэйчүүдээс чинээлэг байдаг гэсэн таатай биш дүгнэлтийг эрдэмтэд хийжээ.

Эмэгтэй хүн ганцаараа байхдаа мөнгийг өөртөө чөлөөтэй зориулдаг, харин гэрлэмэгцээ “дураар дургих” боломжгүй болж, хадгалж хурааснаа гэр бүлийнхээ өдөр тутмын хэрэгцээнд зориулж эхэлдэг. Харин нөхрүүд нь эсрэгээр, зөв ч байсан, үгүй ч байсан сонирхдог зүйлдээ мөнгө илүүчилдэг.
Нөхөртэй эмэгтэйчүүдийн бүх орлого болоод хадгаламж гэр бүлийн өдөр тутмын хэрэгцээнд зориулагддаг болохыг Британийн судлаачид нотолжээ. Ганц бие эмэгтэйчүүд орлогынхоо бараг 10 хувийг хурааж чаддаг бол, гэр бүлтэй эсвэл байнгын хамтрагчтайгаа амьдардаг эмэгтэйчүүд ердөө долоохон хувийг цааш хийж чаддаг байна.

Гэтэл нөхөр эсвэл дотно залуу нь ямар нэг аргаар сонирхдог, цуглуулдаг, шунадаг зүйлдээ мөнгө үлдээхийг эрмэлздэг ажээ. Арвич хямгач гэрийн эзэгтэй нарын тухай үлгэрээс гадна мөнгө нууж дардаг тухай яриа зөвхөн эрэгтэйчүүдтэй л холбоотой болохыг мэргэжилтнүүдийн гурван сар явуулсан судалгааны дүн харуулсан байна. Энэ судалгааны үеэр гаргасан зардлыг ажиглажээ.

Нөхөртэй эмэгтэйчүүд гэр бүлдээ маш их ач холбогдол өгч, бүр өөрийгөө мартдаг ажээ. Үр дүн нь ч тодорхой, дэлхийд хөрөнгө чинээтэй эмэгтэйчүүдээсээ эрэгтэйчүүд нь хамаагүй олон, тэгээд 40-өөс дээш насныхан байдаг.

Яагаад тийм байдаг юм бол?

Эцэстээ аз жаргал ч үгүй, олсон амжилт ч үгүй амьдарсан болж таардаг “ажилсаг бөгөөд үгнээс гардаггүй бүсгүйчүүдийн” тухай моодны сэдэв мөнгө хуримтлуулахтай онцгой их холбоотой байдаг. Хар өдөр хэрэглэх мөнгө хураах хэрэгтэй, хэмнэж сурч, зарлагадаа ухаалаг хандах хэрэгтэй гэж эмэгтэйчүүдэд багаас нь л зааж сургадаг. Ингэхдээ зөвхөн өөрийн ирээдүйн төлөө бус, харин гэр бүлийн сайн сайхны төлөө гэж хэлдэг.
Ганц бие бүсгүйчүүд, тэр дундаа, 30 хүртэл насныхан ихэвчлэн үе тэнгийнхээ залуусын адил тухайн үед хүсч байгаа зүйлдээ мөнгө зориулж чаддаг.

Харин нөхөрт гарсан залуу бүсгүйчүүд болон арай нас ахимаг насны эзэгтэй нар ойр дотныхондоо мөнгөө зориулж, нэг тийм “шударга байхыг” хичээхдээ юуны түрүүнд, өөртөө зарцуулахаасаа хасдаг байна. Гэр бүлдээ мөнгөө зориулснаа зөв, зүйтэй гэж үзэж, бусдыг ойшоолгүй, бараг илүыү зардал гаргах гэж байсан мэт санадаг. Нөхөр нь өрхийн төсвийн үндсэн хэсгийг бүрдүүлдэг бол “үрэлгэн байсны” гэм их мэдрэгддэг.
Олон эзэгтэй нөхөртэйгөө мөнгөний тухай ярихаас ичдэг ажээ. Гэрийн эзэгтэй нар ахуйн зардалд зориулж өгсөн мөнгийг амьдралдаа хүргэхийн тулд шинэ хувцас болон гоо сайхны хэрэгслийн зардлаа эрс багасгадаг байна. Тийм замаар эмэгтэйчүүд өөрийгөө бус, өрөөлийн тухай боддог “сайн бүсгүй” болохоо харуулахыг эрмэлздэг гэнэ.

Жаахан уйтгартай зүйлсийн талаар

Статистикийн мэдээнээс үзвэл, ирээдүйдээ хөрөнгө оруулах тухай нөхөртэй эмэгтэйчүүд их санаа тавьдаг ажээ. Гэр бүл салалтын статистик мэдээ, тэрчлэн хуулинд заасны дагуу хүүхдүүд ээжтэйгээ үлддэгийг харгалзан үзвэл, гэр бүлдээ өөрт байгаа бүхнээ зориулсан эмэгтэй юу ч үгүй хоцрох эрсдэлтэй байдаг. Халамж асаргаа шаардлагатай настнуудын болон үгээгүй ядуу аж төрж буй хүмүүсийн дөрөвний гурав нь эмэгтэйчүүд байдаг. Америкийн эрдэмтдийн мэдээлснээр, эмэгтэйчүүдийн 90 хувь нь тодорхой хугацаанд өөрөө өөрийгөө авч явах ёстой байдаг, гэвч үүний тулд тэдний 70 хувь нь юу ч хийдэггүй, бүр юу ч төлөвлөдөггүй байна. Гэхдээ гэр бүлдээ халамж анхаарал тавина гэдэг нь өөртөө огт санаа тавихгүй, тодруулбал, өнөөдрийн хүсэл болон ирээдүйдээ санаа тавихгүй байна гэсэн үг биш.

Өөдрөг зүйлийн тухай

Мөн л статистикийн мэдээнээс үзвэл, ганц бие эмэгтэйчүүдийг бодвол нөхөртэй эмэгтэйчүүдэд санхүүгийн хувьд өөртөө илүү итгэлтэй байх сайхан боломж бий. Гэрлэсэн эмэгтэйчүүд ганц бие эмэгтэйчүүдээс бараг таван хувиар илүү цалин авдаг ажээ. Учир нь дарга нар нь гэр бүлтэй эмэгтэйчүүдэд илүү итгэдэг, хамт олныхоо ч хүндэтгэлийг хүлээдэг бөгөөд удаан хугацаагаар албан ажлаар явдал эсвэл ажил дээрээ удаан сууж ажиллах шаардлагатай мэргэжил биш бол тэд түргэн албан тушаал дэвшиж, дээшилдэг байна. Дуулгавартай байх, олсон бүхнээ гэр бүлдээ зориулах, мөнгөн хадгаламжгүй байх, хүссэн зарлагаа гаргаж чадахгүй байх зэрэг асуудалтай тулгардаггүй ч, олсон орлогоо тайван зарцуулдаг эрийг муу нөхөр гэх үү?
Чинээлэг байх нь эрүүл мэндэд тустай
Хөрөнгө мөнгөтэй хүмүүсийн биед тэднийг урт наслуулах гормон ялгарч байдгийг Британийн эрдэмтэд тогтоожээ. «Аз жаргалын гормон» баян хүнд бусдаас их хэмжээтэй байдаг. Заавал Форбс сэтгүүлийн тэрбумтнуудын тухай бодох албагүй. Олсон орлогоо зөв зарцуулсан гэж сэтгэл хангалуун байдаг, ирээдүйдээ орлогынхоо 10 хувийг хийхээ мартдаггүй, үе үе амарчихдаг дунд давхаргын аз жаргалтай хүмүүст ч урт наслах боломж бий.