Таиландын Бангкок хотын 11 настай Супарта Сасупхан охин дэлхийн хамгийн үсэрхэг охин болжээ.
Тэрбээр энэхүү цолыг хүртсэндээ ихээхэн сэтгэл хангалуун байгаа аж. Түүнийг үеийн хүүхдүүд нь “сармагчин нүүрт”, “чоно охин” гэж гоочилдог байжээ. Харин одоо тэрбээр дэлхийн Гиннессийн дээд амжилтын эзэн болжээ.
“Би Гиннессийн дээд амжилтад нэрээ бүртгүүлсэндээ баяртай байна. Үүнд нэрээ бүртгүүлэхийн тулд хүмүүс олон зүйл хийдэг. Харин би сургууль дээрх нэр хүндээрээ ийм амжилтад хүрлээ” гэж Супарта охин хэлжээ.
Супатра охин нь хайпертричосис өвчтэй бөгөөд энэ нь хромосомын согогийн өвчин аж. Өвчний улмаас охины нүүр, чих, гар, хөл, нурууг тэр чигт нь бүрхсэн шингэн үс ургажээ. Тэрбээр лазер эмчилгээнд орсон ч үс ургалтыг нь зогсоож чадаагүй гэнэ. Охин нас нэмэх тусам биеийн үс нь улам өтгөрч байгаа учир ээж нь үргэлж үсийг нь тайрдаг байна.
Ийм төрлийн өвчтнүүд нийгмээс үргэлж гадуурхагддаг байна. Түүний нэг адил Супарта ч ийм байдалтай заримдаа нүүр тулдаг. Сургууль дээр зарим нэг нь намайг сармагчин нүүрт гэж гоочилдог ч тэд үүнээс өөр хөнөөлтэй зүйл надад учруулдаггүй гэж охин хэлжээ.
"Би байгаа байдалдаа бараг дассан. Үсэрхэг байдаг учир би нээх их зйүл мэдэрдэггүй ч үс урт ургах нь харин бага зэргийн хэцүү байдаг. Хэзээ нэг өдөр би энэ өвчнөөс ангижирна гэдэгтээ итгэлтэй байдаг" гэж Супатра ярьжээ.
Шийдэмгий охин Супарта өөрийн дүр төрхөөсөө эмээлгүй жирийн хүний амьдралаар аж төрөх дуртай аж. Тэрбээр математикийн хичээлд илүү сонирхолтой бөгөөд том болоод эмч мэргэжилтэй болохыг мөрдөөддөг гэнэ. Учир нь эцэг, эхээ бэртсэн үед эмчилж анагаахаас гадна өвчин, эмгэгтэй хэн нэгэнд туслахыг хүсдэг байна.
Супатра охин төрсөнийхөө дараахан амьсгалын хүндрэлийн улмаас хоёр ч удаа мэс засалд оржээ. "Манай охин амьсгалын хүндрэлийн улмаас бараг гурван сар инкубаторт байсан. Үүний дараа хамрын нүхийг нь томруулах мэс засалд орсон. Тэр бараг 10 сарын дараа эмнэлэгээс гарсан. Бид түүнд маш их санаа зовдог байсан" гэж охины аав ярьжээ.
Эцэг, эх нь охиноо гэртээ авчирахад эргэн тойрны хөршүүд ихээхэн сонирхон охиныг нь хараал хүрсэн үү гэх зэргээр асууж шалгаадаг байжээ. Тиймээс охин нь том болохоор хүүхүүдүүд түүнийг гоочилно гэхээс эцэг, эх нь ихээхэн санаа зовдог байсан ч Супатра эргэн тойрныхоо хүмүүсийн хайр энхрийлэлийг татаж чаджээ.
Супатра охин хоёр настай байхад түүний үсийг арилгах лазер эмчилгээ хийжээ. Гэвч тодорхой ахиц гараагүй аж. Одоо харин шинэ тоног төхөөрөмж ирэхийг хүлээж байгаа гэнэ.
Усанд санд сэлж байгаа нь
