МИНИЙ МОНГОЛ ЗАЛУУС ИЙМ Л МУНДАГ ШҮҮ  АЛМАЙРУУЛЖ  БИШРҮҮЛЖ БАЙНА Ш ДЭЭ ККК

Сүүлийн 3 – 4 жил генетикийн судалгаа, дэлхийн хэвлэлийн гол сенсаци нь Монгол эр хүний ген буюу тэдний нэрлэснээр Чингисийн супер ген байлаа. Монголчуудын эзэлж байсан улс орны эрчүүдийн 7 хувьд буюу 25 сая шахам хүнд байх магадлалтай, эр удмаа дагадаг, хүчирхэг амьдрах чадвартай ген Монгол эрчүүд дунд бараг 100 хувь байдгийг Чингисийн ген гэж нэрлэн гайхан судлаж байна” хэмээн Б.Болдсайхан өөрийн нэгэн нийтлэлээ эхлүүлжээ.

Гэтэл ийм бахархам удам судар, уг гаралтай Монголчууд бидний дунд эмэгтэйчүүд нь эдлэх эрхгүй болсон мэт, эрчүүд нь адаг дорд орсон мэт яриа сүүлийн үед ихээр гарах болжээ. Эрчүүдээ муулах, дорд үзэх, элдвээр хэлэх нь ч ихэсч байна. Монголчууд бидний амны билгээс ашдын билгийг чухалчлан, эр хүнийг элдэвлэн муулах нь бүү хэл малгай, бүсийг нь ч хоймроос үл буулган, хог шороонд ч үл гаргадаг эрхэм дээд уламжлал минь яалаа.

Монгол эх орноо гэх омгорхол минь эм нь эрээ дээдлэн хүндэлж, эр нь эмээ хайрлан халамжлах харилцан шүтэлцэлд орших бус уу.

Уулын мод урттай богинотой. Миний Монголын эрчүүд даанч цөөхүүлээ. Болохгүйг нь засаад авах ухаан, болж байгааг нь түшээд явах заяа Монгол бүсгүйчүүд бидэнд бий. Болохгүй байна гээд бүү зэмлэ. Итгэл найдварыг нь бүү мохоо, бүсгүйчүүд минь. Эрчүүдээ магтаж, хийморийг нь сэргээж, зүрх зоригийг нь хурцал. Учир нь тэд дэлхийн талыг эзэгнэж, харц үл хүрэх газрыг агтны туурайгаар тамгалж, харь нутгийнхныг илдэн дороо бөхийлгөсөн Агуу Чингисийн үр удам, тэнгэр заяат Монгол эр хүн билээ.

Бид дан ганц түүхэн гавъяагаараа бахархаад зогсохгүй өдгөө ч эх орныхоо нэрийг өндөрт өргөн яваа хийморь өөдөө Монгол эрчүүд захаас аван бийг энд дурьдах нь зүйтэй юм.

Дэлхийн улс орнуудын эв нэгдлийн билэгдэл болдог Олимпийн тэнгэрт эх орныхоо тугийг мандуулж, төрийнхөө дууллыг эгшиглүүлсэн баатар зоригт хөвгүүд, Арлын орны үндэсний бөхөд Монгол омгоор аархан илүүрхэж, дэлхийн чихийг дэлдийлгэсэн Их аваргаас эхлэх спортын алдартнууд Монгол гэх нэрийг ертөнцийн анирт хүргэж байна. Түүнчлэн оюун ухаан нь өндрөөр үнэлэгдэж буй болон хэдий харь нутагт байгаа ч хүний амь нас аврахаар дүрэлзэх гал руу орж чадсан залуус, суу билгээрээ гайхагдах ухаант эрчүүд, шавхагдашгүй авъяасаараа гайхагдах урлагийнхан гээд салбар бүрт эрчүүд минь дэлхийг гайхуулж яваа. Тэр бүхний нэрийг энд буулгах аваас ганц удаагийн нийтлэлийн зай үл хүрэх биз ээ.

Цаашлаад дэлхийн өнцөг булан бүрт та бидний сонорт үл хүрсэн ч баатарлаг гавъяа байгуулан эглээс эгэл амьдарч буй олон Монгол эрс бий. Хэзээд эх орныхоо төлөө халуун амь бүлээн цусаа зориулахад бэлэн эрэлхэг эр цэргүүд ч бүсгүйчүүд та бидний дэргэд дэндүү эглээр, дэндүү даруухан амьдарч буй.

Тиймийн учир бүсгүйчүүд бид Монгол эр таниараа бахархнам. Хатуу хорвоогийн нум, халамжит бүсгүйн хайр, энхрий үрсийн бахархал, энэ улсынхаа эзэн МОНГОЛ ЭР хүн Та билээ.



Uram  sergemeer  saihan  nevtruuleg  uzchihlee   Bayarlalaa  Elgemsuu.

zaanii tugalaa yasan olon id tai yum be

thanks elgemsuu

haya gaigvi yum oruulah yum daaanch ngoool mongol zaluuu sainahn mongol hvvnen yanhan gesen ytga ni dagasaaarl kakakakaka