Өнгөрсөн жилийн зун мэргэжлийн сүмогийн зарим бөх бейсболын тоглолтод бооцоо тавьсан нь тогтоогдож, буруу үйлдэл хийсэн этгээдүүд сүмогоос хөөгдсөн билээ. Энэхүү хэргийн мөрдөлтийн явцад зарим хүний утаснаас даваа тохиролцсон утгатай мессеж илэрсэн нь даарин дээр давс нэмсэн явдал болоод байгаа. Тэгвэл бейсболын бооцооны хэргийн мөрдөлтийг лавшруулснаар дахин хэдэн бөхийг нэмж шалгах хэрэгтэй болжээ.

Үүнд жюүрёо зиндааны монгол сүмоч Широнорюү Э.Одгэрэл багтсан байна. Энэхүү хэргийн улмаас сүмогоос хөөгдсөн, урьд макүшитад барилдаж байсан дөрвөн бөхийг байцаах явцад шинэ сэжигтнүүдийн нэр дурдагдсан гэх бөгөөд Японы цагдаагийн байгууллага тэдний сүүлийн хагас жилийн бичиг баримтыг шалгахаар болов.

Цагдаагийн байгууллагын нэгэн ажилтан “Хэдий энэ сэжигтнүүд биечлэн бооцоо тавиагүй ч дээрх дөрвөн бөхөд мөнгөн тусламж үзүүлж, энэ үйлдлийг далдаас хийдэг байсан байж болзошгүй” хэмээн мэдэгджээ. Өөрөөр хэлбэл хүний гараар могой бариулж байсан бөхчүүдийн тоонд Э.Одгэрэл багтсан бололтой.