Хөхүүл эхийн хэрэглэсэн эм хоёр чиглэлийн сөрөг нөлөө үзүүлж болох юм. Үүнд:
1. Эхийн хэрэглэсэн зарим эм хөхний сүүгээр ялгарч нярайд ямар нэг нөлөө үзүүлж болно.
Зарим эм хөхний сүүгээр нэлээд хэмжээтэй ялгардаг. Жишээ нь: Хөхний сүүнд иодидын агуулагдах концентраци нь эхийн цусны плазмд агуулагдах хэмжээнээсээ ч давдаг. Мөн фенобарбитал зэрэг зарим эм хөхний сүүгээр ялгарч нярайн хөхөх рефлексийг дарангуйлна.
2. Эхийн хэрэглэсэн эм хөхний сүүний ялгаралтанд нөлөөлж түүнийг ихэсгэх буюу багасгах нөлөө үзүүлж болно.
Үүнд: Хөхний сүүний ялгаралтыг ихэсгэх нөлөөт эм:
Окситоцин ба түүний уламжлал, никотины аскорбины глутамины хүчлүүд, тиамин пиродоксин зэрэг В бүлгийн витамин, теофиллин, токоферол, апилак зэрэг бэлдмэл хөхний сүүний ялгаралтыг ихэсгэдэг.
Хөхний сүүний ялгаралтыг багасгах нөлөөт эм:
Эстроген ба прогестроны гормон, Л-допа, ууж хэрэглэх жирэмслэлтээс хамгаалах бэлдмэл, бромкриптин, эфедрин, фцросемид, адреналин, этанол зэрэг бэлдмэл хөхний сүүний ялгаралтыг багасгадаг.
Хөхүүл эхэд эм хэрэглэхдээ баримтлах зарчим:
-Хөхний сүүгээр ялгардаг эмийг аль болох хөхний сүүгээр ялгардаггүй буюу бага ялгардаг адил төстэй үйлдэлтэй эмээр сольж хэрэглэх.
- Хөхний сүүгээр их хэмжээтэй ялгардаг, нярайд хүчтэй сөрөг нөлөө үзүүлэх эмийг зайлшгүй хэрэглэх шаардлага гарвал хүүхдийг зохиомлоор хооллох.
- Хоногт ганц удаа хэрэглэдэг эмийг үдэш унтахын өмнө хэрэглээд шөнө хүүхдийг хөхүүлэхгүй байх.
- Өдөрт олон удаа хэрэглэдэг эмийг яг хүүхдээ хөхүүлэхийн өмнө буюу дөнгөж хөхүүлэнгүүт хэрэглэж байвал хүүхдэд үзүүлэх сөрөг нөлөө бага байна.


Анхаар Хөхүүл үед хэрэглэхээс зайлсхийх буюу болгоомжтой хэрэглэх зарим эмүүд
Эм гэдэг нь өвчнийг анагаах хэдий ч нөгөө талаас "жор" юм. Учир нь ямар нэг өвчнөө анагаахын тулд эм тариа хэрэглэхэд өөр бусад эрхтэн системд муу нөлөө үзүүлж бас өвчлүүлдэг байна. Энэ удаад бид хөхүүл хүүхэдтэй эмэгтэйчүүдэд болгоомжтой хэрэглэх буюу хэрэглэхээс зайлсхийх зарим эмүүдийг бичлээ. Хүмүүс зөвхөн ганц эмч, эмийн санчийн зөвлөснөөр биш аливаа эмийг хэрхэн зөв зохистой хэрэглэх талаар өөрөө ч гэсэн тодорхой хэмжээнд мэдэж байх нь та өөрийгөө болон өрөөл бусдын эрүүл мэндийг давхар хамгаалж байна гэсэн үе юм.
АМИНОФИЛЛИН - нярай хүүхэд цочромтгой болж байсан нь бүртгэгдсэн.
АМИОДАРОН - хэрэглэхээс зайлсхий, хөхний сүүгээр их хэмжээтэй ялгарна.
АМИТРИПТИЛИН - хэрэглэхээс зайлсхийх нь зүйтэй.
АТРОПИН - нярай хүүхдэд мөн холинолитик сөрөг нөлөө үзүүлж илэрч болзошгүй тул хэрэглэхээс зайлсхий.
АЦЕТАЗОЛАМИД - хөхний сүүгээр бага хэмжээтэй ялгарна, болгоомжтой хэрэглэх нь зүйтэй.
АЦЕТИЛСАЛИЦИЛИЙН ХҮЧИЛ - хэрэглэхээс зайлсхий.
АЦИКЛОВИР - сүүгээр нэлээд их хэмжээтэй ялгардаг тул хэрэглэхээс зайлсхий.
БЕКЛОМЕТАЗОН - удаан хугацаагаар өндөр тунгаар хэрэглэвэл нярай хүүхдэд бөөрний дээд булчирхайн дутмагшил үүсч болзошгүй.
ВЕРАПАМИЛ- хөхний сүүгээр бага хэмжээтэй ялгарна, болгоомжтой хэрэглэ.
ВАНКОМИЦИТТ- хөхний сүүгээр ялгардэг тул хэрэглэхээс зайлсхийх нь зүйтэй
ВАРФАРИН - витамин К-ын дутагдал хийгээд цус алдамхай болох хүндрэл үүсэх риск нэмэгдэнэ. Болгоомжтой хэрэглэх нь зүйтэй,
ГАЛОПЕРИДОЛ - хөхний сүүгээр багавтар ялгарна, нярайн мэдрэлийн системд сөрөг нөлөө үзүүлж болзошгүй тул хэрэглэхээс зайлсхий.
ГАПОТАН - хөхний сүүгээр ялгардаг.
ГИДРОХЛОРТИАЗИД - хөхний сүүгээр багавтар ялгарна, их тунгаар хэрэглэвэл хөхний сүү багасдаг тул болгоомжтой хэрэглэвэл зохино.
ГЛИБЕНКЛАМЙД - болгоомжтой хэрэглэ.
ДЕКСАМЕТАЗОН - удаан хугацаагаар өндөр тунгаар хэрэглэвэл нярай хүүхдэд бөөрний дээд булчирхайн дутмагшил үүсч болзошгүй.
ДИАЗЕПАМ - нярай хэт унтаа болох, жин алдах зэрэг сөрөг нөлөө илэрдэг тул давтан хэрэглэхээс зайлсхий.
ДИГОКСИН - хөхний сүүгээр багавтар ялгарна, болгоомжтой хэрэглэвэл зохино.
ДИКЛОФЕНАК НАТРИ - хөхний сүүгээр багавтар ялгарна, болгоомжтой хэрэглэвэл зохино.
ДИФЕНГИДРАМИН - хөхний сүүгээр их хэмжээгээр ялгарна, хэрэглэхээс зайлсхийх нь зүйтэй.
ДОКСОЦИКЛИН - нярайн ясжилт ба шүдний өнгийг өөрчлөх сөрөг нөлөөтэй тул хэрэглэхээс зайлсхий.
ДРОПЕРИДОЛ - нярайн мэдрэлийн системд нөлөөлж болзошгүй тул хэрэглэхээс зайлсхий.
ИБУПРОФЕН - хөхний сүүгээр багавтар ялгарна, хэрэглэхээс зайлсхий.
ИЗОНИАЗИД -нярайд таталт ба невропати үүсгэж болзошгүй, эхэд зайлшгүй хэрэглэх шаардлага гарвал эх ба нярайд витамин В6-г урьдчилан сэргийлэх тунгаар хэрэглэх нь зүйтэй.
ИНДОМЕТАЦИН - хөхний сүүгээр багавтар ялгарна, нярайд таталт үүсч байсан нь бүртгэгдсэн тул болгоомжтой хэрэглэх нь зүйтэй.
ИНСУЛИН - хөхний сүүгээр бага зэрэг ялгарна.
ИОДЫН БЭЛДМЭЛҮҮД - хөхний сүүгээр их хэмжээтэй ялгарна, нярайд гипотироидизм ба бахлуур үүсгэх аюултай тулиодын бэлдмэлүүдийг эхэд зайлшгүй хэрэглэх шаардлага гарвал хүүхдийг хөхүүлэхгүй зохиомлоор хооллох хэрэгтэй.
КАПТОПРИЛ - хөхний сүүгээр бага зэрэг ялгарна, хэрэглэхээс зайлсхий.
КАРБАМАКЕПИН - хөхний сүүгээр бага зэрэг ялгарна, нярай хүүхдэд арьсны хүнд харшлын урвал илэрч байсан нь бүртгэгдсэн.
КЕТОТИФЕН - хөхний сүүгээр бага зэрэг ялгарна, хэрэглэхээс зайлсхий.
КЛИНДАМИЦИН - хөхний сүүгээр бага зэрэг ялгарна, нярай хүүхдэд цустай зүйлээр гүйлгэх шинж илэрч байсан нь бүртгэгдсэн.
КЛОМИПРАМИН - хэрэглэхээс зайлсхийх нь зүйтэй.
КОДЕЙН - хөхний сүүгээр бага зэрэг ялгарна. Хэрэглэхээс зайлсхий.
КОРТИКОСТЕРОИДУУД - удаан хугацаагаар өндөр тунгаар хэрэглэвэл нярай хүүхдэд бөөрний дээд булчирхайн дутмагшил үүсч болзошгүй.
КО-ТРИМОКСАЗОЛ - нярайн шарлалтын үед хэрэглэвэл гемолик үүсгэж болзошгүй.
ЛЕВОДОПА - тодорхой мэдээлэлгүй тул хэрэглэхээс зайлсхийх нь зүйтэй.
ЛИДОКАЙН - хөхний сүүгээр бага зэрэг ялгарна, болгоомжтой хэрэглэх нь зүйтэй.
ЛИТИЙ - хөхний сүүгээр их хэгижээтэй ялгардаг тул хэрэглэхээс зайлсхийх нь зүйтэй.
МЕТИЛДОПА - хөхний сүүгээр бага зэрэг ялгарна, хэрэглэхээс зайлсхийх нь зүйтэй.
МЕТОКЛОПРАМИД - хөхний сүүгээр бага зэрэг ялгарна, хэрэглэхээс зайлсхийх нь зүйтэй.
МЕТРОНИДАЗОЛ - хөхний сүүгээр их хэмжээтэй ялгардаг тул хэрэглэхээс зайлсхийх нь зүйтэй.
МОРФИН - хэрэглэхээс зайлсхий.
НАЛИДИКСЫН ХҮЧИЛ - сөрөг нөлөөний риск бага боловч нярайд цус задралт анеми үүсч байсан нь бүртгэгдсэн.
НЕОСТИГМИН - хөхний сүүгээр бага зэрэг ялгарна, хэрэглэхээс зайлсхийх нь зүйтэй.
НИСТАТИН - тодорхой мэдээлэлгүй тул хэрэглэхээс зайлсхий.
НИТРОФУРАНТОИН - хөхний сүүгээр бага зэрэг ялгарна, хэрэглэхээс зайлсхийх нь зүйтэй. Глюкоз-6 фосфастдегидрогеназа ферментийн дутмагшилтай үед гемолиз үүсч болзошгүй.
НИФЕДИПИН - хөхний сүүгээр бага зэрэг ялгарна, хэрэглэхээс зайлсхийх нь зүйтэй.
ПАПАВЕРИН - хэрэглэхээс зайлсхийх нь зүйтэй.
ПАРАЦЕТАМОЛ - хөхний сүүгээр бага зэрэг ялгарна, болгоомжтой хэрэглэх нь зүйтэй.
ПИЛОКАРПИН - хэрэглэхээс зайлсхийх нь зүйтэй.
ПИРАЗИНАМИД - хөхний сүүгээр бага зэрэг ялгарна, хэрэглэхээс зайлсхийх нь зүйтэй.
ПИРАЦЕТАМ - хэрэглэхээс зайлсхийх нь зүйтэй.
ПРЕДНИЗОЛОН - удаан хугацаагаар өндөр тунгаар хэрэглэвэл нярай хүүхдэд бөөрний дээд булчирхайн дутмагшил үүсч болзошгүй.
ПРОГЕСТЕРОН - хөхний сүүг багасгах нөлөөтэй тул хэрэглэхээс зайлсхийх нь зүйтэй.
ПРОКАЙНАМИД - хөхний сүүгээр нэлээд хэмжээтэй ялгарна, хэрэглэхээс зайлсхий.
ХЛОРФЕНАМИН - хөхний сүүгээр нэлээд хэмжээтэй ялгарна, хэрэглэхээс зайлсхий.
ЭТИНИЛЭСТРАДИОЛ ~ хөхний сүүний ялгаралтанд сөрөг нөлөөтэй тул этинилэстрадиол агуулсан жирэмслэлтээс хамгаалах эмийг хүүхдийг 6 сартай болтол хэрэглэхээс зайлсхийх нь зүйтэй.