Нийслэлийн хамгийн олон хүн амтай Сонгинохайрхан болон хотын төвийн Сүхбаатар дүүрэгт шинээр хороо байгуулах зайлшгүй шаардлагатай болсон талаар дээрх хоёр дүүргийн Засаг дарга мэдээлжээ. Сонгинохайрхан дүүргийн 25 хорооны 50 дэлгүүрээр нөөцийн мах борлуулж эхэлсэн бөгөөд 362 тн мах зарах ёстой ч 365 тн мах борлуулсан гэнэ.
Түүнчлэн тус дүүрэгт Хүний хөгжил сангаар дамжуулан 1.12 тэрбум төгрөг сар шинийн өдрүүдэд иргэдийн гарт очиж, 7501 оюутан 500 мянган төгрөгөө авахаар бүртгүүлсэн талаар дүүргийн Засаг дарга Ц.Болд тайлагнажээ. Тиймээс тус дүүрэгт долоон хороо шинээр байгуулах шаардлагатай байгаа бөгөөд “Москва” хорооллын хажууд баригдах хорооноос бусад хорооны газрын асуудлыг шийдвэрлэжээ.
Энэ жил тус дүүргийн нэгдүгээр хороонд усан бассейн байгуулж, 100 хүүхдийн ортой гурван цэцэрлэгийн байрыг улсын төсвийн хөрөнгөөр барих юм. Сүхбаатар дүүргийн хувьд хэд хэдэн хороо шинээр байгуулах шаардлагатай байгаа гэнэ. Шинээр байгуулах 20 хорооны байрыг энэ оны аравдугаар сарын 1-нд хүлээн авч, төрийн үйлчилгээг иргэдэд түргэн, шуурхай хүргэхээр төлөвлөж байгаа юм байна
