Сонгуульд ялахыг горилогчид янз бүрийн сэдэлтэй байдаг байх. Нийтлэг халхавч нь "Эх орон ард түмнийхээ төлөө" гэх. Сонгуульд ялах олон янзын хувилбар боловсруулж байгаагаас хамгийн болхи аргууд
1. Сонгогчид мөнгө өгч сонгуульд ялах. Энэ аргыг МАХН-аас нэр дэвшигчид голдуу хэрэглэж байна. Төв аймгийн Жаргалант суманд сүлжээний бизнес аргыг хэрэглэж МАХН-аас нэр дэвшигчид санал өгөх хүнийг элсүүлж байна. Мөн Увсаас нэр дэвшигч МАХН-ын гишүүн мөн л 10,000 төгрөг өгч, чихэр авч идээрэй гэх юм.
2. Сонгогчдын шашин шүтлэгийг хэрэглэж сонгуульд ялах. Энэ аргыг ҮШН-ынхан нилээн хэрэглэж байна. Үндэсний үзэлтэй байхын тулд Монголчууд буддист байх ёстой гэсэн мессэж хүргэсэн захиалгат нэвтрүүлэг, ярилцлага, баримтат кино хүртэл хийж амжсан байна.
3. Ашигт малтмлаас ашиг олж, хувь хүртээх байдлаар сонгуульд ялах. Энэ аргыг АН голдуу хэрэглэж байна.
4. Иргэний хяналтыг төрд тогтоох ёстой гэсэн байдлаар сонгуульд ялах. Энэ аргыг ИХ нам хэрэглэж байна.
Янз бүрийн хүмүүсийн зураг хотоор нил өлгөөтэй харагдана. Уриаг нь уншвал, "Улс төрд мод тарина", "Эх орноо цэвэрлэнэ", "Ард түмний мөнгийг хэмнэе", "Үйлдвэрийн үүдийг нээнэ" гэхчихлэн марзан хэллэгтэй лоозон харагдана. Мөн сонгуульд нэр дэвшигчийн зургийг урах, гутаах ч явдал гарч байна.
Ямартай ч, энэ сонгуульд ард түмэн маань идэвхтэй оролцож зөв хүнээ сонгоосой билээ. Сонгогдох ёсгүйг нь битгий сонгоосой. Мөнгө өгвөл авчих. Гэхдээ худалдагдах хэрэггүй. Харин ч хахуульдах гэж байгаа горилогчийг бага дээр нь сонгохгүй байх нь хамгийн шилдэг сонголт болно.
|
