Заримдаа тохиромжгүй үгсийг хэлэхгүй байх нь хамгийн сайн зөвлөгөө болдог. Тиймээс тамхинаас гарах гэж буй хүнд ийм зөвлөгөө өгөөд нэмэргүй гэнэ шүү.
1. "Тамхиа хаяхгүй бол уушгины хорт хавдар тусна шүү.” Тамхи нь уушгины хорт хавдар тусахад нөлөөлдөг нь үнэн. Гэвч тэд ийм яриаг байнга сонсдог бөгөөд сонсох бүрдээ шумуул шиг ундууцдаг юм. Тамхи татах нь эрүүл мэндэд хортой гэдэг нь хэний ч хувьд шинэ зүйл биш. Ингэж хэлэхэд чинь тэд “Ямар хамаа байна” гэж амыг чинь таглах болно.
2. " Хэрэв чи надад хайртай л юм бол тамхиа хая.” Архаг тамхичинд гэмшил огт тус болохгүй. Харин тэр хаяж чадна гэдэгтээ итгэлтэй байгаа л бол тамхинаас гарна. Ингэж хэлснээр түүний оролдлогыг үгүй хийхээс гадна тэр ингэж шахаж байгаад чинь улам уурлах болно.  
3. "Тамхи чинь балиар. Чи яагаад ийм заваан юм татаад байдаг юм бэ?”
Тамхичин хүнд тамхи татах нь муу зуршил гэдгийг тайлбарлах ямар ч үр дүнгүй. Учир нь тэр өөрөө үүнийг сайн мэдэж байгаа ч хүлээн зөвшөөрч чаддаггүй юм. Харин түүний талд гэдгээ харуул. Мөн түүнийг яагаад хаяж чаддаггүйг нь та мэднэ. Тэр өөрийгөө тамхинаас гарч чадахгүй гэж бодож байгаа.  Ийм сөрөг зүйл хэлэхийн оронд түүнийг тамхинаас гарахад туслах арга чарга зааж өг.  Энэ зуршлаа хаях гэж хичээж буй оролдлогыг нь дэмжээрэй.