“Голден Вилл” хорооллын оршин суугчид байрандаа ороод удаагүй ч хөөгдөх дээрээ тулжээ. Учир нь тус банк “Зоос” банк болон БНСУ-ын “Хана” банкны давхар барьцаанд буйгаас ийм байдалд хүрсэн байна.
Уг нь энэ хорооллыг улсын комисс 2008 оны арваннэгдүгээр сард хүлээн авсан бөгөөд өдгөө тэнд 160 гаруй айл амьдарч байгаа юм байна. Тэд бүгд байрны төлбөр болох 100-220 мянган доллараа төлсөн аж.
Мөнгөө төлсөн хойноо байрны ордероо авах гэтэл банкны барьцаанд тавьсан учраас гараж өгөх боломжгүй гэсэн хариу сонсчээ.
Түүнтэй зэрэгцээд “Зоос” банк дампуурч, барилгыг барьсан солонгос хүнд залилан мэхэлсэн гэсэн үндэслэлээр эрүүгийн хэрэг үүсгэн шалгах болсон юм байна. Шалгалтын явцад “Голден вилл” хотхоныг бариулсан БНСУын иргэн Им Жүн Ү нь тус улсын “Хана” банкнаас зээл авч, мөнгөө “Зоос” банкаар дамжуулах гурвалсан гэрээ хийсэн байна.
Им Жүн Ү нь барилгынхаа 30 хувийг “Хана” банкинд барьцаалсан гэх мэдээлэл бидэнд ирсэн юм.
