Засгийн
газар 2011 онд хүнсний хангамжийг нэмэгдүүлэх, чанаржуулах, үндэсний
аюулг үй байдлыг хангахад илүү анхаарал тавьж, энэ чиглэлээрх
үйлдвэрлэл, үндэсний үйлдвэрлэгчдээ дэмжих бодлого баримталж байгаагаа
Ерөнхий сайд С.Батболд өчигдөр гурил үйлдвэрлэгчдийг хүлээн авч
уулзахдаа хэллээ.
Энэ үеэр гурил үйлдвэрлэгчдийн толгойн өвчин болоод байгаа хоёр асуудалд Ерөнхий сайд нааштай хариу өгсөн нь 2011 онд гурилын үнэнд өөрчлөлт оруулахгүй байж болох шийдэлд хүргэлээ. Гурилын гаалийн татварын хувь хэмжээг улирлын ялгаваргүй болгож, дотоодод үйлдвэрлэж байгаа гурилыг НӨАТ-аас 2011 оны долдугаар сар хүртэл чөлөөлсөн. Энэ хугацааг сунгаж өгөх саналыг гурил үйлдвэрлэгчид Засгийн газрын тэргүүнд тавьсан юм.
Энэ саналыг нухацтай авч үзээд тохиромжтой хувь дээр нь тогтоон барих боломжтой гэв. Дотоодод үйлдвэрлэж байгаа гурилыг НӨАТ-аас чөлөөлсөн хугацааг сунгах асуудлыг мөн шийднэ.
Засгийн газар НӨАТ-ын тухай хуульд өөрчлөлт оруулах асуудлыг боловсруулаад УИХ-д тавьчихсан байгаа. Ойрын хугацаанд шийднэ гэсэн таатай мэдээллийг гурил үйлдвэрлэгчдэд Ерөнхий сайд дуулгалаа.
