Сайхан харагдах нууц жор бүсгүй хүн бүрт байдаг. Гоо сайхан, бие галбир гээд төгс сайхан харагдахын илэрхийллүүдийг орон орны бүсгүйчүүд хэрхэн хадгалдаг бол. Япон бүсгүйчүүд хоолондоо асар их хэмжээний далайн ургамал, амьтан хэрэглэдэг учраас булбарай арьсаа хадгалж чаддаг.

-Англи бүсгүйчүүд хэрэглэсэн цайныхаа ууттай хандыг хаядаггүй. Хөргөгчинд хийн хадгалаад, нүдэн дээрээ жин тавьдаг. Энэ нь нүдний доогуурх үрчлээнээс сэргийлж, ядаргаа тайлдаг.

-Франц бүсгүйчүүд энгэсгийг ихээр хэрэглээд байдаггүй ч дур булаам харагдаж чаддаг. Тэд гоо сайхны бүтээгдэхүүн худалдан авахдаа жимсний хольцтойг сонгодог гэнэ.

-Орос бүсгүйчүүд гоо сайхандаа мөнгө харамгүй зарцуулдаг. Мөн арьс арчилгаандаа маш их анхаарч, төрөл бүрийн маск, бэлдмэлийн жорыг цээжээр мэддэг гэвэл хилсдэхгүй.

-Итали бүсгүйчүүд будах дуртай. "Уруулаа будаагүй хүүхэн уйтгартай харагддаг" гэж ярьдаг. Дэгжирхэх, гойд чамин зүйлийг их сонирхдог.

-Польш бүсгүйчүүд хэзээ ч өөрийгөө хөгшин гэж голдоггүй. Хамгийн сүүлийн үеийн загвараар хувцаслах дуртай. Мөн зөгийн бал их хэрэглэдэг нь тэднийг гадна, дотно аль ч талаасаа эрүүл, үзэмжтэй харагдахад шууд нөлөөлдөг.

-Голланд бүсгүйчүүд байгалийн гаралтай зүйлд дуртай. Тэд ихэнх цагаа далайн чийглэг уур амьсгалд болон ойн цэвэр агаарт зугаалахыг илүүд үздэг аж.

-Хятад бүсгүйчүүд үсээ угаахаас 20 минутын өмнө ургамлын тосоор хуйхандаа массаж хийн гялгар уут угладаг. Дараа нь үсээ цэвэр усаар зайлан угаадаг. Энэ нь нарны хэт ягаан туяанаас үсийг хамгаалдаг байна.

-Аргентин бүсгүйчүүд цөцгийн тосоор нүүрэндээ маск тавьдаг байна. Энэ нь хуурай, үрчлээтэй арьсанд гайхалтай үр дүн өгдөг гэнэ.