Жин бүрийн шилдэг 16 жүдоч урилгаар оролцдог “Мастерс” тэмцээний хоёр дахь нь өнгөрөгч амралтын өдрүүдэд
Азербайжаны Баку хотноо боллоо. Жилийн турш үзүүл сэн амжилтаараа
шигшигдсэн бөхчүүд хүч үздэг болохоор “Мастерс”-ын барилдаан бүр
сонирхолтой, өрсөлдөөнтэй болдог билээ. 41 орны 110 эрэгтэй, 96 эмэгтэй
жүдоч зодоглосон энэ тэмцээнд манай улс долоон эрэгтэй, дөрвөн эмэгтэй
бөхөө сойсон.
Жин бүрийн шилдэг 16 жүдоч урилгаар оролцдог “Мастерс” тэмцээний хоёр дахь нь өнгөрөгч амралтын өдрүүдэд Азербайжаны Баку хотноо боллоо. Жилийн турш үзүүл сэн амжилтаараа шигшигдсэн бөхчүүд хүч үздэг болохоор “Мастерс”- ын барилдаан бүр сонирхолтой, өрсөлдөөнтэй болдог билээ. 41 орны 110 эрэгтэй, 96 эмэгтэй жүдоч зодоглосон энэ тэмцээнд манай улс долоон эрэгтэй, дөрвөн эмэгтэй бөхөө сойсон. 2009 оны дунд үеэс 66 кг-ынхныг чансаагаараа тэргүүлж буй Хөдөлмөрийн баатар, дэлхийн аварга Х.Цагаанбаатар “Баку-2011”-д түрүүлснээр байр сууриа улам баталгаажууллаа.
Жүдогийн бүх л зэрэглэлийн тэмцээнээс медаль авсан тэрбээр өнгөрсөн жил анхдугаар “Мастерс”-т Францын Давид Ларост дийлдэн хоосон хоцорч байв. Харин энэ удаа 2009 оны “Kano Cup”-т медалийн төлөө барилдаанд таараад бараагүй Японы Масаши Эбинүмаг эхний даваанд вазаригаар буулган авч, ОХУ-ын Камал Хан-Магомедовыг торгуулиар ялж медалийн тавцанд гарах болзлоо хангасан. Улмаар хагас шигшээд 2009 оны ДАШТ-ий финал, 2010 оны дэлхийн аваргын хүрлийн төлөө барилдаанд хожиж байсан Испанийн Сугои Уриартег таван минутын турш илүүрхэн, юүко үнэлгээтэй тэнцэх торгуулиар ялж, Словенийн Рок Дракшичийг цаг дуусахад минут гаруй хугацаа үл дээд байхад иппон буулган алтан медаль хүртсэн юм.
Аваргын төлөө барилдааны эхэнд манай бөхийг баруун давуулахад Дракшич араар нь өшиглөөд юүко үнэлгээ авсан ч үүнээс хойш оноогоо илт хам гаалснаас хоёр торгуулж, үнэлгээ тэнцсэн. Санаандгүй оноо алдсанаасаа хойш санаачилгыг авч ба рилдсан Х.Цагаанбаатар баруун давуулж, зүүн сугадсан барьцнаас бярдаж мушгиад ялал тын үнэлгээгээ авсан. Ийнхүү “Мастерс”- т түрүүлснээр тэрбээр чансааны 400 оноо, шагналын 6000 ам.доллар халаасаллаа. Өнгөрсөн жил анхдугаар “Мастерс”- т түрүүлсэн С.Мияарагчаа эхний даваанд ДАШТ-ий мөнгөн медальт Сугои Уриартед юүко үнэлгээгээр ялагдав.
Хоёр ДАШТ-д Х.Цагаанбаатарт хожигдож, хамгийн сүүлд Чиндаогийн Гранприд Б.Хишиг баярт медалийн төлөө барилдаанд ялагдсан испани жүдоч ийн хүү эхний даваанд аваргыг ялж, ме дальд хүрэх замаа зассан. С.Мияа раг чаагийн хувьд 2010 оны эхний хагаст тун сайн барилдаж, чансаагаараа дэд байр хүртэл дэвшсэн ч “Чингис хаан” Дэлхийн цомоос хойш хангалттай амжилт үзүүлээгүйгээс Бакуд тавдугаарт эрэм бэлэгдсэн. Ингэснээр ма най хоёр бөх хагас шигшээд таарах магадлалтай болсон. Гэвч С.Мияарагчаагийн оронд Уриарте их шө- вөгт шалгарсан нь энэ.
Эрэгтэйчүүдийн хамгийн хөнгөн жинд манай улсаас гурван бөх хүч үзсэн ч нэг нь л медалийн төлөө барилдлаа. 2010 онд оролцсон тэмцээн бүртээ медалийн төлөө барилдаж, жигд амжилт үзүүлсэн Ч.Болд баатар Абу-Дабигийн Гранприд таарч хожиж байсан Бразилийн Фелипе Китадайг эхний тойрогт цэвэр ялаад ДАШТ-ий хүрэл ме дальт, ОХУ-ын Арсен Галстянд юү когоор дийлдэн тавдугаар байрт шалгарлаа. Түүний амьдаа Г.Болдбаа тар жингийнхээ тэргүүн бөх, дэл хийн аварга Ришод Собировт вазаригаар хожигдсон бол 2008, 2009 оны залуучуудын ДАШТ-ий мөнгөн медальт Д.Төмөрхүлэг ОХУын Беслан Мудрановт ялагдлаа.
73 кг-ын жинд С.Ням-Очир мөн л орос жүдочид дийлдэн, медальгүй үлдэв. Эхний даваанд Францын Уго Леграныг дэвжээний захад хонгодож цацаад юүко, төдөлгүй араар нь мордож иппон үнэлгээ авч ялсан тэрбээр ДАШТий хүрэл медальт, ОХУ-ын Мансур Исаевт барилдааны эхэнд хагалж цохих гээд сөрж хутгуулан цэвэр хожигдов. Гавьяатын болзлыг хэдэнтээ биелүүлсэн М.Бундмаа “Токио-2010” ДАШТ-ээс хүрэл медаль хүртэхдээ таарч ялж байсан бөхчүүдээ энэ удаа дахин буулган авч, дэлхийд дээгүүр данслагдах жүдоч гэдгээ дахин баталлаа. Тэрбээр Токиогийн дэвжээнд хүрлийн төлөө барилдаанд хожсон, 2009 оны ДАШТ-ий хүрэл медальт, Германы Роми Тарангулыг эхний тойрогт цэвэр ялсан.
Медалийн төлөө урьд нь биесээ харилцан хоёр хожсон, 2009 оны ДАШТ-ий хүрэл медальт, Испанийн Ана Карраскосатай хайнаа хагалах барилдааныг хийж, мөн иппон буулгалаа. Харин хагас шигшээд 2007 ДАШТ-ий хүрэл медальт, 2010 оны дэлхийн аварга Юүка Нишидад даралтаар дийлдэв. Япон жүдоч манай бөхийг нааж хавирч тэнцвэр алдуулаад, түрж хөөн вазари үнэлгээ аваад төдөлгүй зүүн хөл цөмөрч гишгэхэд нь хагалж цохиод үргэлжлүүлж дарсан байна.
48 кг-д
манай хоёр бөх сугалаанд орсон ч Б.Бат-Эрдэнэ дэвжээнд гарсангүй. 2009
оны ДАШТий мөнгөн медальт, Испанийн Ойана Бланкотой хүч үзэхээр сугалаа
татсан тэрбээр жиндээ ороогүй байх магадлалтай юм. Нөгөө бөх М.Уранцэцэг
Бельгийн Амели Россенеуг цэвэр ялж наймд үлдээд ДАШТ-ий хүрэл медальт,
залуучуудын дэлхийн хошой аварга Сара Менесест цэвэр хожигдов. Түүнчлэн
энэ өдөр 63 кг-ын жинд Ц.Мөнхзаяа дэлхийн хошой аварга Ёшиэ Үэногийн
аманд очиж, вазари үнэлгээгээр ялагдсан байна.
Медальтнууд
ЭРЭГТЭЙ
60 кг (15 жүдоч): 1.Ришод Собиров (Узбекистан) 2.Арсен Галстян 3.Беслан Мудранов (хоёул ОХУ), Илгар Мушгиев (Азербайжан) 5.Чимэд-Ёндонгийн Болдбаатар (Монгол)
66 кг (15): 1.Хашбаатарын Цагаанбаатар (Монгол) 2.Рок Дракшич (Словен) 3.Сугои Уриарте (Испани), Тарлан Каримов (Азербайжан)
73 кг (17): 1.Ван Ки-Чунь (БНСУ) 2.Мансур Исаев (ОХУ) 3.Аттила Унгвари (Унгар), Ясүхиро Ава но (Япон) 5.Сайнжаргалын Ням-Очир (Монгол)
ЭМЭГТЭЙ
48 кг (12): 1.Харүна Асами 2.Эми Ямагиши (хоёул Япон) 3.Сара Менесес (Бразил), Ева Черновишки (Унгар) 5.Мөнхбатын Уранцэцэг (Монгол)
52 кг (16): 1.Мисато Накамура 2.Юүка Нишида (хоёул Япон) 3.Лаура Гомес (Испани), Мөнхбаатарын Бундмаа (Монгол)
57 кг (13): 1.Телма Монтейру (Португал) 2.Каори Мацүмото (Япон) 3.Консепсион Беллорин (Испани), Ким Жан-Ди (БНСУ)
63 кг (11): 1.Жеврис Эмане (Франц) 2.Ёшиэ Үэно (Япон) 3.Клаудиа Малзан (Герман), Ярден Герби (Израиль)
