Энэ
үгийг УИХ-ын гишүүн Л.Гүндалай хэлсэн юм. Түүнийхээр бол УИХ-ын гишүүд,
сайд нар үнэхээр азтай аж. Тэгэхээр тэнгэрийн амьтад гэж хэлэхээс ч яах
вэ.
Гэхдээ эрхэм гишүүн энэ үгээ мэдээлэл олж авах эрх чөлөөтэй зүйрлэж хэлсэн юм байна. Дэгийн тухай хуульд 2010 оны төгсгөлд өөрчлөлт оруулан Байнгын хороодыг хаалттай болгосон юм. Хэсэг гишүүний санаачилгаар хэвлэлийн эрх чөлөөг хязгаарлах замаар ард түмнээ чангалсан заалтуудыг цуцлахаар төсөл оруулж ирснийг УИХ хэлэлцэж байсан үе л дээ.
Тэрбээр хэвлэлийнхэнд, ард түмэндээ хайртай гэдгээ сануулах гэж, нөгөөтэйгүүр бүтэн долоо хоног зурагт, сонингоор гарах боломжгүй болоод “цангасандаа” тэр үү хэсэг үймүүлэв.
Үүнийг нь зарим нөхөр нь шүүмжилж, “Тээр ингээд л камерын өмнө шоудаад байдаг юм” гэж байлаа.
