• Бүсгүй та хэн нэгэн эр хүнтэй заавал яагаад үдэшлэг, кафе, ресторан, зугаа цэнгээний болон үзвэр үйлчилгээний газар танилцаж явах ёстой гэж? Магадгүй эдгээр газруудад эсрэг хүйсийнхээ хүнтэй танилцах магадлал арай илүү байдаг байх л даа.

Гэхдээ өөрийгөө үнэлж бас хүндэлж байх хэрэгтэй. Хэрэв ажлын газар чинь олон эрчүүдтэй бол тэд нарын дундаас яагаад сонголтоо хийж, танилцаж болохгүй гэж? Нэг дор ажилладаг болохоор дэмий гэж үздэг байж болох юм. Гэхдээ сөрөг муу талаас нь гэхээсээ илүүтэйгээр эерэг сайн талаас нь юмыг харж, төсөөлж байх хэрэгтэй.

• Та мөрөөдлийн эр хүнээ хүлээгээд суухаасаа илүүтэйгээр болзоонд явж амьдралаа зохиоход өөрөө туслаарай. Өөртөө таалагдсан эр хүнээ олж авахын тулд хаана түүнтэй тааралдаж болох талаар бодож үзээрэй.

эрэв таны ирээдүйн сонгосон хүн чинь нийгмийн идэвхтэй, явган явах дуртай хүн байгаасай гэж бодож байгаа бол амралтын газарт, аялал зугаалгаар явахдаа учирч болно. Харин та уран зураач хүнийг сонгосон бол зургийн үзэсгэлэн дээр, сонгодог концерт үзэж байхдаа тааралдах магадлал өндөр байх болов уу.

• Өөрийн хүссэн бүхнээ хүчээр болгох гэж яаран бүү зүтгэ. Ингэлээ гээд та өөрөө л зовох болно. Сайн сайхан цаг ирэхийг нь хүлээж, ирээдүйн амьдралаа баяр хөөртэйгээр тосон угтаарай. Түүнчлэн амьдрал таны мөрөөдлийг хэрхэн биелүүлж өгч байгааг нь анхааралтай ажиглаж хараарай.

Хэрэв таны хүсэж мөрөөдөж байсан бүх зүйл чинь таны санаснаар хурдан биелэлээ олохгүй байгаа бол санаа сэтгэлээр унаж, төлөвлөснөөсөө буцаж, уналтын байдалд хэзээ ч орж болохгүй шүү. Аль болох өөртөө тайван, баяр баясгалантай сэтгэгдлийг бий болгож өгөх хэрэгтэй. Мэдээж хэрэг ямар ч асуудалгүйгээр таны мөрөөдөл биелэгдэнэ гэж үгүй.

• Хүссэн хүнтэйгээ учирна гэдэг далайн ёроолоос сувд түүхтэй адил амаргүй зүйл байдаг