Улсын
бүртгэлийн ерөнхий газрынхан иргэний шинэчилсэн бүртгэлийг өнөөдөр
албан ёсоор хааж байна. Бүртгэл өнгөрсөн долдугаар сард эхэлсэн ч
Ерөнхийлөгч Ц.Элбэгдорж иргэнийхээ үүргийг биелүүлж хараахан амжаагүй
яваа аж.
Төрийн тэргүүн өнөөдөр шинэчилсэн бүртгэлдээ хамрагдаж, хурууны хээгээ үлдээснээр зохион байгуулагчдад улс орон даяар таван сар үргэлжилсэн их ажлаа дүгнэх боломж олдож байгаа юм. Хүн амын 90 хувь шинэчилсэн бүртгэлд хамрагдаж, замбараагаа алдаад байсан бичиг баримтын зөрчлийг цэгцэллээ.
Иргэний мэдээл лийн цахим санг бий болгосон гээд шинэчилсэн бүртгэл явуулсны ач холбогдол их гэж мэргэжлийн хүмүүс олзуурхаж байна. “Харин бүртгэлд хамрагдаагүй үлдэгсдийн долоон хувь нь гадаадад ажиллаж, амьдарч байгаа манай иргэд.
Тэднийг ирэх онд Гадаад харилцааны яамаар дамжуулан интернэтээр бүртгэх төлөвл өгөөтэй“ гэж тус газрын олон нийттэй харилцах албаны ажилтан Д.Нямцэцэг ярив.
Тэгэхээр насанд хүрсэн хүн амын гурван хувь нь үлдэж байна. Энэ ажлыг шинэ оны босгон дээр албан ёсоор хааж байгаа ч бүртгэлд хамрагдаагүй хүмүүсийг үргэлжлүүлэн бүртгэх юм байна.
