Хүний хөгжил сангаас олгох мөнгийг оны дараа олгохгүй гэх яриа гарах болов. Энэ талаар Хөдөлмөр халамж үйлчилгээний газрын Халамж үйлчилгээний хэлтсийн дарга Д.Чойжилсүрэнгээс тодрууллаа.
-Эх орны хувь хишгээ аваагүй иргэд оны дараа авч болох уу?
-Өнөөдрийн байдлаар нэг сая 538 мянга гаруй иргэн Хүний хөгжил сангаас олгож буй мөнгөө аваад байна. Мөнгөө аваагүй иргэдийн ихэнх нь гадаадад ажиллаж, амьдарч байгаа нь бүртгэлийн явцад тодорхой боллоо. Иргэний шинэчилсэн бүртгэлд бүртгүүлснээс хойш сарын дараа нэр нь баталгаажиж, мөнгө нь ордгийг зарим хүмүүс ойлгохгүй гомдол гаргаж байна. Энэ сарын 30-ныг хүртэл мөнгө олгоно. Шинэ он гарсны дараа ч авч болно.
-Зарим банк санхүүжилт дууссан гээд мөнгө олгохгүй байгаа гэсэн. Энэ ямар учиртай юм бэ?
-Хүний хөгжил сангийн дансанд 324 тэрбум төгрөг байршуулсны 305-ыг нь иргэдэд олгоод байгаа. Санхүүжилт дуусна гэж байхгүй. Иргэд халамжийн мөнгөө энэ сардаа багтаан авч чадах гүй бол ирэх сарын 15-наас өгнө. Учир нь сар бүрийн 12-13-ны өдөр улсын төсвөөс мөнгө шилжүүлдэг юм.
