Эх нялхасын эрдэм шинжилгээний төвийн Нярайн эмгэг судлалын эрчимт эмчилгээний тасагт УИХ-ын гишүүн, “Зориг сан”-гийн тэргүүн С.Оюун дутуу төрсөн нярайд амьдрал бэлэглэдэг гурван инкүбатор өглөө. УИХ-ын гишүүн, “Зориг сан”-гийн тэргүүн С.Оюун болон “Зориг сан”-гийн Япон дахь салбар “Riken” компанийн төлөөлөгч нар өчигдөр ЭНЭШТ-ийн Нярайн эмгэг судлалын эрчимт эмчилгээний тасагт инкубатор гурав, гэрлэн эмчилгээний аппарат хоёр, төрсөн хүүхдийн гарт зүүдэг 1000 ширхэг зүүлт бэлэглэлээ.
Тус тасаг 40 ортой ч өчигдрийн байдлаар 58 өвчтөнтэй байсан юм. Инкубаторт байх шаардлагатай 22 хүүхэд эмчлүүлж байгаа ч эмнэлгийн хэмжээнд найман инкубатортай аж. Тиймээс үлдсэн 14 нярайг халдаг гудас, ор, өлгий зэргээр аргалж байгаа тухай эмч, сувилагч нар ярилаа. Сүүлийн үед нярайн өвчлөл нэмэгдэж, хүнд өвчтэй хүүхэд төрөх нь ихэссэн учир өвчтөний тоо 80 хүрэх тохиолдол ч цөөнгүй аж.
Дутуу төрсөн хүүхдэд амьдрал бэлэглэдэг энэхүү аппаратыг нэмэхээ гишүүн амласан юм. “Улсын төсөв өмнөхөөсөө хоёр дахин нэмэгдсэн ч эмнэлгийн тоо, эмч, ажилчдын цалинг нэмэхгүй байна. Гэтэл төрөлт өмнөх жил үүдээс хэд дахин нэмэгдсэн. Түүний зэрэгцээ дутуу төрөлт, эмчилгээ шаардлагатай хүүхдийн тоо буурахгүй байгаа. Гарч буй хүндрэлийг эрүүл мэндийн байгууллага дангаараа хүчрэхгүй байна.
Тиймээс хүн бүр эрүүл мэндийн салбарт хувь нэмрээ оруулах цаг болжээ. Хамгийн түрүүнд энэ тасагт нэн шаардлагатай амьсгалын аппарат, тарианы шахуурга, гэрлэн эмчилгээний аппарат зэргийг улсаас өгөх боломж байгаа эсэхийг судалж, ойрын хугацаанд хариу өгнө” гэж тэрбээр ярив. Дашрамд дурдахад, С.Оюун гишүүн өнгөрсөн сард ЭНЭШТ-ийн хүүхдийн болон нярайн тасгийн тохижилтод зориулж 15 сая төгрөг бэлэглэжээ.
xuuxeduuded amidral belgelsen tanii ajil uils delgerch yubax bolnoo . odoo ene ix xurliin nereer deeshee garch yazartlaa targalsan ulsuud odoo buruu zamaar olson mongoo iimerxuu sain uilst jooxonch boltugai xandib orgomoor yumaa jooxonch gesen nugel chini tsairnadaa.yadaj ur xuuxed xoich ach nart chini buyan bolno doo!!!