Үсээ самнасан бүсгүй цэмцгэр, үнсээ авсан тулга цэмцгэр гэж үг бий. Үсээ сайхан засаж гоодсон нь сайхан харагддагийг хэн хүнгүй мэднэ. Гадуур үс арчлах олон төрлийн бүтээгдэхүүн худалдаалагддаг ч хүн болгон яг өөртөө таарч тохирсон шампунь, ласьон тосыг сонгож мэддэггүй байж болох юм. Тэгвэл танд бидний бэлтгэсэн жороор үсээ арчлахыг зөвлөж байна.

Яагаад гэвэл энэ нь ямар ч шампунь, ласьоноос илүү тэжээлтэй юм. Өндөгний шампунь. 2 ширхэг өндөгний шарыг нэг стакан бүлээн усанд хийж хутгаад үүнийгээ үсэндээ түрхэж цаг байлгана. Ингээд дараа нь бүлээн усаар угаахад таны үс гялалзаж өтгөн болно. Бүсгүйчүүддээ сануулахад үсээ крантны усаар угаахаас аль болохоор татгалзаж бай. Учир нь крантны усанд олон төрлийн эрдэс давс агуулагддаг учраас үсийг өвчлүүлж, хуурайшуулахын зэрэгцээ өнгийг алдуулдаг.

Үсээ буцалгасан зөөлөн усаар угааж заншаарай. Усыг зөөлрүүлэхийн тулд нэг литр усанд цайны хоёр халбага сод хийж буцалгана. Бас байхуу цай үсний өнгийг сэргээж өгдөг сайн талтай. Үсийг буруу угааснаас хугарамтгай болох төдийгүй унадаг. Унаж буй үсийг ганга өвсний хандаар угаахад уналтыг зогсоож, ургалтыг түргэсгэнэ. Бас өнгийг сэргээж гоёмсог харагдуулдаг. Үсээ зөв арчлахад танд дараах зөвлөгөө хэрэгтэй.

-Үсээ угаасны дараа хэзээ ч бүү мушгиж бай. Мушгилт нь үсийг хугарамтгай болгодог муу талтай.
-Үсээ цэвэр, хуурай алчуураар арчаад 5-10 минут алчуураар орооход гэмгүй. Эвгүй үнэртэй алчуур үсэнд элдэв үнэр шингээж, таныг бүхэл өдрийн турш тавгүй байлгана гэдгийг анхаараарай.
-Нойтон байхад нь үсийг самнаж болохгүй. Энэ нь үсний намирсан, хөвсгөр байдлыг алдагдуулдаг.
-Үсний сэнс, хайч, индүүг тогтмол хэрэглэхээс аль болох зайлсхий. Учир нь үсний өнгийг алдуулж хуурайшуулдаг.
-Мөн үсэндээ тэжээл өгөхийн тулд сард нэг удаа өндөгний шарыг халбага наранцэцгийн тостой хутгаж хуйхандаа сайтар түрхэнэ. 10-15 минутын дараа үсээ угаана. Энэ арга нь үсийг эрт бууралтахаас сэрэмжилдэг.

Тавхан минут таныг танигдахгүй болгоно

Уруулдаа хоёр минут
Уруулын будаг болон хүрээ зурахад нэг л харандаа хэрэгтэй. Харин харандаагаа сонгохдоо маш анхааралтай сонгох нь чухал. Зөөлөн бор шар, тослогтой харандаа илүү тохиромжтой. Юуны өмнө яг уруулын дунд хэсгээс явуулж хэлбэрийг нь нэг их эвдэлгүй явуулан дараа нь буцааж явуулна. Дараа нь гөлгөр бийрээр захаас нь дотогшоо арчиж уруулаа сайн жимийхэд будсан гэж мэдэгдэхгүй уруул тодорч сайн харагдана.

Нүдэндээ хоёр минут
Зовхи болон нүдийг тойрсон арьс нүүрний хамгийн эмзэг газар байдаг учир. харандаа маш зөөлөн байх хэрэгтэй. Нүд будах дөрвөн янзын арга байдаг.

Үүнд:
1. Хөнгөн будалт. Нүдний дээд доод сормуусны уг болох зураасаар жижиг цэгнүүд зураад аятайхан жигдрүүлэн арчина.
2. 3овхи будах арга. Цэгүүд зурж нүдний харандааны ар дахь зөөлөвчөөр дотроос нь гадагшаа арчиж өгнө. Хэсэг газрыг тодруулах шаардлагатай бол дахин давтаж болно.
З. Нүдээ тодруулах арга. Нүдний хүрээг маш сайн шовх үзүүрлэсэн харандаагаар нүдний дээд хэсгийн сормуусны угаар явуулна. Голдуу харбор харандаа маш сайн тодруулж өгдөг.
4. Нүдний доод зовхиор нарийхан хөнгөн зурна. Хар хөх өнгийн харандаа ямар ч өнгийн нүдтэй хүнд зохих бөгөөд хөнхөр нүдтэй харагдуулдаг. Харин бор шар өнгө нүдийг шарлуулж өвчтэй хүн шиг харагдуулах нь бий.

Хөмсөгтөө 50 секунд Хөмсөгний харандааг зөв үзүүрлэж, бага зэрэг зөөлөн байлгах учиртай бөгөөд үсний өнгөөр дагуулвал тохиромжтой байдаг. Юуны өмнө хөмсгөө сайтар самнаж хуруугаараа зөөлөн илнэ. Дараа нь хөмсөгний хэлбэрийг дагуулан зурж жижиг зориулалтын сойзоор самнана.