Айл гэрийн хамгийн хортой хэсэг гал тогоо. Учир нь тэнд хийн зуухны хий, өндөр чийгшил, халаагуур зуухны цацраг туяа, ахуйн цэвэрлэгээний бодисууд, хогийн савны элдэв үнэр, төрөл бүрийн нян гээд л хамаг хортой бүхэн агуулагдаж байдаг. Цагийн дийлэнх хувийг гал тогоонд цахилгаан зуухны өмнө өнгөрөөдөг эзэгтэй нарын хувьд энэ нь шийтгэл л гэсэн үг. Тэгвэл гал тогооны хор уршгийг хэрхэн багасгах вэ?

Хийн зуухны хор хөнөөл
Шатамхай хийнүүд: нүүрс төрөгчийн исэл, хүхэр, канцероген болон бусад хий. Хэрвээ гал тогоонд хийн зуух байдаг бол дээрх хийнүүдээс “бултах” боломжгүй юм. Мөн хоол хийх явцад, ялангуяа мах шарах үед аммиак, формальдегид, акролеин зэрэг хортой бодис ялгардаг байна.

Бид хоол хийх явцдаа эдгээр бодисоор амьсгалж байдаг. Бодисуудын нэг хэсэг нь цахилгаан зуух дээр тунаж, нөгөө хэсэг нь агаарт ууршдаг байна. Энэ бүгд бидний бие организмд муугаар нөлөөлөөд зогсохгүй мөн толгойн өвчин үүсгэх, тамирдах, зүрхний цохилт түргэсэх хор нөлөө үзүүлдэг байна.

Уршгийг хэрхэн багасгах вэ?
1. Өрөөг агааржуулах, боломжтой бол цонхыг байнга онгорхой байлгаж, хоол хийх явцдаа өрөөний хаалгыг хаах хэрэгтэй
2. Утаа шүүгч тавих
3. Хийн зуухаа цахилгаан зуухаар солих

Өндөр чийгшил
Хоол бэлтгэх явцад цонх цантах, хэсэг хугацааны дараа хананы цаас хууран унах зэргийг эзэгтэй та анзаарч байсан уу. Энэ нь өндөр чийгшлийн үр дүн юм.

Савнаас уур савсаж, крантнаас хэсэг зуур ус гоожихад л өндөр чийгшилтэй орчин бүрдэнэ. Түүнчлэн гал тогоонд хүйтэн байна гэж бараг л байхгүй, цахилгаан зуух байнга ажиллана. Үүнээс болоод өрөөнд дулааны хэм өндөрсөнө. Ингээд Танд ойр ойр толгой өвдөх, хурдан ядрах, толгой эргэх зовиурууд илэрч цаашилбал амьсгалын замын үрэвсэлтэй ч болж мэднэ.

Өндөр чийгшил болон агаарын температур нь биеийн дулааны болон бодисын солилцооны хэвийн байдлыг алдагдуулдаг байна. Учир нь “толгойгоо сэрүүн, харин хөлөө дулаанд байлга” гэсэн нөхцөл бүрдэхгүй байна гэсэн үг.

Уршгийг хэрхэн багасгах вэ?
Агаар шүүгч тавих ба хоол хийх явцдаа өрөөг ойр ойрхон агааржуулах хэрэгтэй.

Хогийн сав
Хогийн сав нь өөртөө зөвхөн эвгүй үнэр агуулаад зогсохгүй мөн гэрийн шимигч хорхойнуудыг татдаг байна. Түүнчлэн элдэв бактери вирүс үүсэх таатай орчинг бүрдүүлсэн газар болдог.

Бид нар хогийн сав руу хог шидэх тоолондоо эдгээр бичил биетүүдийг агаарт хөөргөн улмаар уг агаараар амьсгалдаг. Энэ нь харшил, астма, арьсны өвчин болон хүндэрдэг.

Уршгийг хэрхэн багасгах вэ?
Өөрийгөө эдгээр өвчнөөс хамгаалахын тулд хогоо ядаж хоёр өдөрт нэг удаа хаяж байх, хог хаяж байхдаа амьсгаа авахгүй байх мөн хогийн саваа ойр ойрхон цэвэрлэж занших хэрэгтэй.

Халаагуур зуухны хор уршиг
Халаагуур зуух – ашиг тус уу эсвэл хор уршиг уу? Халаагуур зуух нь бидний амьдралын салшгүй нэг хэсэг болсон ч бидэнд хор хөнөөлтэй байж болох юм. Учир нь ажиллаж байгаа үедээ халаагуур зуух нь гар утасны адил цахилгаан болон соронзон долгион гаргадаг байна, гэхдээ гар утасны долгионыг бодвол хэд дахин их хүчтэй.

Халаагуур зуухыг байнга ашиглах, мөн хажууд нь олон цаг байвал бидний ходоод гэдэс, нүд, мэдрэлийн систем зэрэг бие эрхтэнд хортойгоор нөлөөлдөг байна.

Уршгийг хэрхэн багасгах вэ?
Мэдээжийн хэрэг халаагуур зуухны шилэн хаалга болон төмөр хана нь биднийг уг долгионоос хамгаалдаг ч ажиллаж буй халаагуур зуухнаас 1м-ийн зайд байх нь зүйтэй юм. Мөн халаагуур зуухыг хоол иддэг ширээн дээр тавих нь тийм ч зохимжтой биш гэдгийг анхаарна уу.

Ахуйн хийн бүтээгдэхүүний хор уршиг
Бүх химийн бодисууд хортой. Ахуйн цэвэрлэгээний бүхий л химийн гаралтай бүтээгдэхүүнүүд хортой гэдгийг хүн бүр мэдэх биз ээ. Аяга таваг угаагч шингэний жишээ нь дээр авч үзье.

Энэ шингэн нь өөртөө маш олон төрлийн химийн бодис агуулж харин цэвэр усаар зайлах үед бүрэн зайлагддаггүй байна. Иймээс тэр дутуу үлдсэн бодисууд бид бүгдийн ходоодонд орж улмаар гэдэсний үрэвсэл, хоол боловсруулах системийн үрэвсэл зэргийг үүсгэдэг байна.

Зарим угаалгын шингэн гарын арьсны улайлт, нүдний бүрхэвчний үрэвсэл улмаар ходоод, бөөр, элэг, уушигт сөргөөр нөлөөлж болохуйц хлор, формальдегид зэрэг хортой бодисууд агуулж байдаг.

Уршгийг хэрхэн багасгах вэ?
1. Аль болох угаагч шингэнийг хэрэглэхгүй байх, маш ховор тохиолдолд л хэрэглэх
2. Аяга тавгаа угааж дууссаны дараа сайтар зайлах
3. Угаагч шингэнийг их хэмжээгээр нэг удаад хэрэглэхгүй байх
4. Ахуйн резинен бээлий хэрэглэх

Хортой тавилга
Ихэнх тавилга нь биенд хортой болох формальдегид, фенол, аммиак, бензол зэрэг бодис орсон хуванцар, ДСП, ДВП, будаг, лак зэргээс бүрддэг байна.

Гэрээ засаж янзлан сайхан болгохдоо бид төдийлөн өөрсдийн эрүүл мэндийг боддоггүй байна. Харин эдгээр хиймэл тавилга толгой өвдөх, нойргүйдэл, хурдан ядрах зэргээр бидний биед сөргөөр нөлөөлдөг аж.

Уршгийг хэрхэн багасгах вэ?
Гэр орноо аль болох байгалийн натурал гаралтай тавилгаар тохижуулахыг хичээх хэрэгтэй.