Найз залуудаа амрагийнхаа түүхийг сөхөж бүү ярь
Анхны секс туршлагын талаар найз залуутайгаа тодорхой ярилцах шаардлага байна уу? Харилцан нэг нэгэндээ итгэх нь илүү чухал. Гэхдээ таны намтрын зарим нэг хэсэг хайртай хүний чинь сонирхлыг төрүүлэх биш харин ч холдуулж, урмыг нь хугалж болзошгүйг санаарай. Сексийн хэдэн хамтрагчтай байсныг эр хүн сонирхож болно.

Харин энэ тухай хайртай бүсгүйгээсээ сонсох дургүй байдаг. Хардалт, үл ойлголцол төрүүлэх үндэс тавигдах тул болгоомжлох нь зүйтэй .

Эмэгтэй хүнд ямар нэгэн нууцлаг зүйл заавал байх ёстой. Сексийн амьдралаа нээлттэй ярьсан бүсгүй залуудаа сонирхолгүй болдог. Тэр танд хэзээ ч итгэхгүй. Өмнөх янаг амрагийн явдлаа илэн далангуй ярих нь хайртай залуугаа алдах эрсдлийг бий болгодог.

Тухайлбал, “ Хайрт минь чи энэ байшинг харж байна уу? Энд би анх эмэгтэй хүн болсон юм шүү дээ” гэх мэтээр ярих нь ямар ч эрийг их эвгүй байдалд оруулна. Тиймээс яриандаа анхаарах хэрэгтэй.

“Энэ надад хайртай юм чинь юу ч ярьсан хамаагүй” гэсэн байдлаар найз залуудаа хэзээ ч бүү ханд. Эрчүүд эмэгтэйчүүдийг бодвол нарийн ширийн зүйлээ ярихаас зайлсхийдэг. “Энэ байшинд миний анхны дурлалт бүсгүй амьдарч байсан” гэж ярихаас хэтрэхгүй.

Гал халуун дурлалаар таныг хайрлаж залуу санаандгүй хэлсэн ганц нэг үгнээс чинь болоод сэтгэл нь хөрч, хөндийрч болзошгүй. Эр хүн өөрөө хүсэж, гуйсан ч бүсгүй та өмнөх амьдралынхаа нарийн ширийн асуудлыг бүү ярь. Тэр тусмаа сексийн анхны туршлагатай холбоотой зүйлс зөвхөн таны нууц хэвээр л үлдэг.