Харь хуний нутагт элэг нэгт Монгол бүсгүйгээ өмгөөлж яваад Д.Ганцэцэг хэмээх 25 настай нэгэн Монгол эмэгтэй балмад этгээдийн гарт амиа алдсан билээ. Монгол этэгтэйн амийг зэрлэгээр хөнөөсөн сэжигтнийг шүүх хурал энэ сарын 14-нд Солонгос улсад болох бөгөөд талийгаачийн ээж Нарантуяа эл шуух хуралд оролцохоор өчигдөр 17.30 цагийн онгоцоор ниссэн юм. Түүнийг явахаас нь өмнө утсаар холбогдож зарим зүйлийг тодрууллаа.

-Та нисэх гэж байна уу? Хэдүүлээ явж байгаа вэ? Зардал мөнгөний асуудлаа яаж шийдэв?
-Яг одоо нисэх гэж байна. Өмгөөлөгч, хүү, бид гурав явж байгаа. Миний зардлыг Гадаадад ажиллах хүч илгээх төвөөс гаргаж байгаа. Хүү маань өөрөө зардлаа олсон. Бидэнд боломж бололцооныхоо хэрээр тусалсан монголчууддаа баярлаж байна.

-Гадаад харилцааны яамнаас тусламж үзүулээгүй хэрэг үү?
-Тэндээс оршуулгын зардалд таван сая төгрөг гаргаж өгсөн. Тэр нь хаанаа ч хүрээгүй.

-Та хүргэнтэйгээ холбоотой байна уу? Хэл ус мэдэхгүй, холбогдож чадахгүй байна гэж ярьж байсан?
-Огт харилцаагүй байгаа. Хэл мэдэхгүй болохоор хэл ам авалцдаггүй юм.

-Шүүх хурлын талаар ямар нэгэн мэдээлэл байна уу?
-Шүүхийн талаар ямар нэгэн мэдээлэл алга. Очоод Элчин сайдын яамнаас мэдээлэл авна даа.