Би одоо 22 настай 2009 онд их сургуулиа төгссөн. Нас минь залуухан боловч би одоо гэр бүлтэй нөхөртэйгөө дунд сургуульд байхдаа танилцаж үерхээд оюутан болсныхоо дараа хамтдаа амьдарч хүүгээ гаргаад оюутан насандаа амьдралаа цэгцэлсэн гэж хэлж болно. Нөхөр маань надаас 2 насаар ах. Тэр миний анхны эр хүн байсан харин би түүний анхных биш байсан. Анхных байх албагүй л дээ надаас ах байсан болохоор. Гэвч энэ чухал биш. Нөхөр маань мэргэжлээрээ ажил хийж бид бусдаас дутахгүй сайхан гэр бүл, сайхан айл болсон. Гэвч би өнгөрсөн өвөл галт тэргэнд явж байгаад 1-р курсын нэгэн бандитай танилцсан. Бид шөнөжин хөзөр тоглож тэр надад их таалагдаж байсан, тэр хагалгаанд ороод удаагүй байсан бөгөөд бид амархан дасаж,бүр хамтдаа өглөөг хүртэл унталгүй ярилцаж, тоглож хамт байхыг л чухалчилж байсан. Өглөө нь галт тэрэгнээс буух болж бид хоёр хоёр тийш болсон. Би завгүй ажилтай явсан болохоор түүнийг тэр өдрөө уулзая гэхэд чадалгүй байсаар түүнтэй уулзалгүй явуулсан.

Тэр өдрөөс хойш бид хааяа утсаар ярьж, холбоотой байх болсон гэхдээ тийм дотно биш холбогдо х төдийд л… Би түүнд гэр бүлтэй гэдгээ хэлээгүй байсан… Гэтэл саяхан тэр манай нутагт өвөө эмээ дээрээ ирсэн гээд надруу уулзахуу гэж залгахад би татгалзаагүй жирэмсэн байсан мөртлөө уулзахыг хүссэндээ гарч уулзсан боловч тэр тухтай уулзаж чадаагүй. Би анх танилцчихаад хэрвээ түүнтэй дахиж уулзах юм бол түүнийг сайн тэврэнэ бас хүзүүг нь илж үнсэнэ гэж боддог байсан. Гэвч тэгж чадалгүй дөнгөж уулзаад л салсан учир нь намайг жирэмсэн болсоныг мэдээд даарч байгаа гээд ор гэсэн. Тэрнээс хойш би түүнрүү залгахаар нэг л хөндий эсвэл миний хүүхэд, амьдралын талаар л асуугаад байхын… Би яах уу?