Бичлэгийн тоо 3,329
Төрийн албаны мэргэшлийн шалгалт маргааш эхэлнэ. Энэ удаа нийслэлийн Соёл урлагийн хороо, Авто тээврийн газар, ЗТБХБЯ, ХХААХҮЯ-наас захиалсан 19 ажлын байранд албан хаагч шалгаруулж авах юм. Түүнчлэн Баян-Өлгий, Хөвсгөл, Увс, Архангай аймагт төрийн жинхэнэ албаны мэргэшлийн шалгалт авахаар зарласан бөгөөд бүртгэл нь энэ сарын 6-нд эхлэх аж.
Ирэх оноос тухайн ажлын байранд гадаад хэлний мэдлэгийн тусгай шаардлага тавьсан тохиолдолд бүртгүүлсэн иргэдээс эхлээд гадаад хэлний мэдлэгийн түвшин тогтоох шалгалт авч, тэнцсэн иргэдийг төрийн албаны шалгалтад хамруулах юм байна. Шалгалт өгөхийг хүссэн иргэд дэлгэрэнгүй мэдээллийг Төрийн албаны зөвлөлийн www.csc.gov. mn сайтаас авч болно.
