А
р в а н х о ё р д у г а а р сарын эхний долоо хоногт товлогдсон
“Оюутолгой” ХХК-ийн Төлөөлөн удирдах зөвлөлийн хурал өнөөдөр Монгол
Улсын нийслэлд эхэлж байна.
“Оюутолгой” ХХК-иас давуу эрхтэй хувьцаа гаргах болсон тухай шийдвэр хэвлэл мэдээллийн хэрэгслээр цацагдаж буй үед хуралдаж байгаагаараа энэ удаагийн ТУЗ-ийн хурал онцлог юм.
Хувь нийлүүлэгчдийн гэрээний дагуу давуу эрхтэй хувьцаа гаргаснаар Хөрөнгө оруулагчдын гэрээ ёсоор Монгол Улсын Засгийн газрын эзэмшиж буй 34 хувь буурах уу, Монголын талын ногдол ашиг хүртэх хугацаа хэр хойшлох вэ гэсэн асуулт олон нийтийн анхаарлын төвд байна.
Эх сурвалжийн өгүүлснээр Монголын тал “Оюутолгой” ХХК-ийн 34 хувийг эзэмшихийн тулд “Айвенхоу Майнз”, “Рио Тинто” компаниас зээлсэн хөрөнгийг эргүүлэн төлөх зээлийн хүүг 9.9 хувиас бууруулахыг ТУЗийн хуралд санал болгох юм байна.
Түүнчлэн Оюутолгой төслийн хөрөнгө оруулалтын асуудлаар санал солилцох аж. Энэ нь ТУЗ-ийн гурав дахь хурал юм. “Оюутолгой” ХХК-ийн ТУЗ есөн гишүүнтэй бөгөөд Монголын талыг Н.Багабанди, П.Цагаан, Ч.Ганболд нар төлөөлдөг.
