Элэг бүтэн амьдрал гэдэг хүний тайван амьдралын хамгийн сайхан орчин. Гэрээс холдож гэдэс алдаж үзээгүй нэгэнд хажуунаас үглээд л заагаад байгаа эмээ, өвөө, ээж, аав гээд л дарамттай мэт санагдаж байж мэдэх юм.
Энэ бодол чины маш буруу бөгөөд үнэхээр тэнэг бодол, зан байсныг хүн болгон заавал өнгөрсөн хойно ухаарч эргэцүүлэн бoдож харамсаж байх ёстой юм гэж үү?
Тийм ээ. бид хилийн дээс алхаад явахдаа үр хүүхэд, ээж аавыгаа амьдын хагацалд учруулаад явж байгаагаа ухамсарлан ойлгодоггүй. Тиймээс хүний газраас эрдэм ном, их мөнгө цуглуулан эргээд ирнээ гэсэн сайхан бодлоо, мөрөөдлөө өндөр хөгжилтэй орон, сэтгэлийн их стрес, дарамтандаа холиод мартчихдаг.
Өнөөдөр монголд аавыгаа , ээжийгээ хилийн чанадаас ирэхийг нь хүлээн дотроо бэтгэрч суугаа хэдэн зуун мянган хүүхэд байгаа.
Тэд сар бүр ирэх хэдэн төгрөгөөрөө дураарай дургиж байгаа болов ч сэтгэл нь хоосон орон зайтай байгааг нь нүднээс харж болно.
-ээж, аав нь хол байгаа хүний хүүхдийн зан их эвдэрдэг юм байна шүү дээ гэх эмээ, өвөө, ах эгч нарын чинь зовнин ярилцах яриаг монголд ирээд маш их сонслоо, үзлээ.

Миний хүү, охин хүрээд ирнэ дээ гэж үүд харж, чимээ чагнасаар хэдэн арван мянган аавууд, ээжүүд буурлууд минь сүнсээ эмтлэн эх дэлxий дээр үлдээгээд нүд анисан билээ дээ.
Хорвоогийн жамаар бус хуулийн буруу тогтолцоо гажуудал хэдхэн хүний харалган бодлоос  болж элэг бүтэн амьдралаа хүсээгүй ч хүслээрээ мэт эмтрүүлсэн 200 000 монголчууд аа хараад ЭЛЭГ ЭМТЭРЧ байна.

Амьдын болон үүрдийн хагацалыг ч ойлгодггүй, ойлгосон ч хүсдэггүй дарга нараа юу хийх бол яах бол гэж бодвол энэ хорвоо дээрх хүмүүний нэгэн жаргалтай орчин ЭЛЭГ БҮТЭН амьдралаа үрээд хаяна шүү.
Элэг бүтэн амьдралынхаа төлөө өөрсдөө болохоос нь болохгүйг нь хүртэл хий!
Хожим бүү харамсаараа.