Би бүр аргаа . Нөхөр маань араар тавиад байна. Гэхдээ хуучин уулздаг байсан бүсгүйтэйгээ. Тэр бүсгүй нь их л сайхан загвар өмсөгч бүсгүй юм гэлээ. Тэгээд манай хүнийг юу ч үгүй хоосон байхад нь хаяж явчихаад одоо хөлөө олоод юм юмтай болоод ирсэн чинь буцаад нийлчих юм. Би нөхрөөсөө эд хөрөнгө хараагүй харинч хоёулаа энэ амьдралыг босгох гэж үр хүүхдээ сайн сайхан явуулах гэж хуруу хумсаа зулгартал хамтдаа зүтгэсэн. Тэгээд одоо энэ юугаар ч дутахгүй хангалуун амьдралдаа ирсэн. Би тэр хүүхнээс дутаад байх юм байхгүй л гэж бодох юм. тэр хүнийг бодвол ядаж хүнийг хайрлах, хүний сэтгэлийг нь олж харах тийм сэтгэл надад байна. Үр хүүхэд гаргаад түүнийгээ өөдтэй явуулах гэж хирэндээ зүтгэж л явах юм. Гэтэл даанч нөхөр минь намайг ингэж гомдооно чинээ санасангүй. Би нэг гоо сайхны газар ажиллуулдаг. Тэр хүүхэн нь албатай юм шиг байнга манайхаар орох юм. Би ямар чи гар чамд үйлчлэхгүй гээд ажилчдынхаа өмнө хэлэлтэй биш. Тэр хүүхэн чинь манайд орж ирдэг гээд нөхөр лүү гээ уурлаад дайралтай биш. Тэр хүүхэнд нь чи манай нөхрөөс сал гээд хэрүүл уруул үүсгээд өөрийгөө нервтүүлэлтэй нь биш.

Хажууд нь харинч муухай харагдахгүйг хичээж, чи ганцаараа сайхан бүсгүй нь биш гэж өөрт нь хэлэхийн тулд  сайхан хувцаслаж, үс гэзгээ сайхан янзлуулаад, үнэтэй сондор хүзүүндээ зүүхийн. Өөр надад хийж чадах юм алга. Хүүхэд гаргаснаас хойш нилээд таргалсан болоод жингээ хасаж фитнест явж байна. Тэгээд заримдаа бодохын би ер нь хэнд таалагдах гэж ингэж өөрийгөө зовоож байна вэ гэж. Ингээд тэр хоёрт буугаад өгчихмөөргүй л байна. Өөрийгөө тэгж доромжлуулж чадах ч үгүй. Одоо нөхрөөсөө салаад зөвхөн үр хүүхдийнхээ төлөө амьдардагч юм бил үү гэж бодох юм. тэр нь ч амар юм уу даа. Нэгэн цагт сэтгэлийг нь таньсан хүнтэйгээ эргэж нийлсэн нөхрөө яавч уучлаж чадахгүй юм. Уучлалаа гэхэд хэзээ дахиад нэг өдөр  өнгө төрхөнд хууртаад намайг орхиод явах бол гэж бодно. Миний нөхрийнхөө төлөө амьдарсан цаг хугацааг ядаж өчүүхэн ч болтугай хүндэлсэн бол нөхөр маань яаж ч бодсон тэр хүнтэй ингээд уулзахгүй байхсан. Яг яавал дээр вэ ийм зүйлтэй учирсан хүүхнүүд минь зөвлөөд байгаарай ийм тохиолдолд та нар яаж шийдвэр гаргав.