нголын хараа булааж сэтгэл гижигдсэн хацар гоо охид ямар ч магтаал урамшуулал, реклам сурталчилгаагүйгээр хэдийнэ олны танил болсон байдаг. Ээжийнхээ өврөөс гараагүй шахам насандаа олны нүдэнд өртсөн охид харин тэр энгээ даах нь ховор. Элдэв хэл ам, хэрүүл шуугианы бай болж хэсэгтээ эрчүүдийг хуйлруулсаны дараа хэн нэгний нөмөрт орон “нялх амраг” гэсэн энхрийхэн сэтэр зүүдэг билээ. Тэгвэл знэхүү “нялх амраг” гэх нэр хэдий хэрийн өртөгтэй байдаг бол?

“Хос” нялх амраг
Охид бүсгүйчүүдийн эргэн тойрон дахь асуудлыг ярихын тулд алтны магнат Мянганбаяр хэмээх эрхмийн нэрийг дурьдахгүй өнгөрвөл алдас болно. Угаасаа огт дурьдаагүй байсан ч хүмүүс аль хэдийнэ энэ хүнийг түүнийг энэ сэдвээр төсөөлсөөр байгаад сурчихсан гэхэд болно. Одоогийн байдлаар алтны магнатын 11 нялх амрагууд, зуурдын амрагууд, явуулын амрагууд тоогоо алдаад байна. Ил мэдэгдэж байгаа нэр цолыг нь ёс төртэй зүүсэн хоёрыг эс тооцвол шүү дээ. Алтны магнатын экс нялх амраг топ модель Д.Пүрэвсүрэн одоо ч түүнээс элдэв татаас авсаар байдаг гэх. Сурагчийн дүрэмт хувцаснаас салаагүй шахам жаахан охин байхдаа торгонд хөлбөрч тосонд умбах хувь тавилангийн үзүүрээс атгасан тэрбээр 4 жилийн дараа “хөгшин” гэсэн нэр зүүн хаягдсан билээ. Хувьдаа байр, хэд хэдэн машин хангалттай хөрөнгө авч үлдсэн түүнд энэ талаар гуниж гутарч яриад явах шаардлага байсангүй. Сурч боловсрох, уран бүтээл туурвихад хамаг цагаа зарцуулсаар яваа. Мөн л арван хэдхэн насандаа алтны магнатын нялх амрагаар тодорсон Д.Ариунцэцэг хэмээх бүсгүй Д.Пүрэвсүрэнтэй адил хувь тавиланг туулсан билээ. Танхил охин насаа үе мултарсан эрд зориулсан боловч 20 гараад ирэхийн цагт нь хоёр тийш болсон алтны магнатын өвөрмөц зуршил олныг гайхшаруулдаг. Д.Ариунцэцэг хувьдаа байр машинтай үлдэж Сингад сурахаар одсоноор тэдний романс дууссан билээ. Монголын хүүхнүүдэд мөнгө хаядгаараа тэргүүн эгнээнд явдаг энэ эрхмийн нялх амрагууддаа хаядаг хаялга нэг иймэрхүү. Одоогоор түүний ээлжит нялх амраг тодроогүй байгаа. Энэ хоёр бүсгүйгээс хойш олон хүүхнүүд түүнтэй янз бүрийн байдлаар холбогдсон боловч “нялх” гэсэн нэр томьёонд таарахгүй байгаа юу, эсвэл хуучин амрагуудаа санагалзсан уу түүний нялх амраг гэх нэрийг зүүсэн бүсгүй одоогоор алга.

Хуримнаас татгалзсан Сэли
“Нялх” гэсэн тодотголыг хамгийн олон жилийн турш хадгалж буй хүн бол дуучин Сэрчмаа. Хүүхэд л гаргаагүй бол энэ тодотгол байнга дагаастай явдаг бичигдээгүй хууль үйлчилдэгийн тод жишээ энэ биз. Түүний нэр холбогдсон эрчүүдийг жагсаавал сонины хуудас зай талбай хүрэлцэхгүй ч байж мэдэх. “Цуутай хүүхэн хуримгүй, дуутай тэнгэр хургүй” гэж ёжлуулдаг ч тэрбээр гандан буурахгүй явсаар л. Хэсэгтээ л Тэмүүлэнтэй сүй тавилаа гэж эрчүүдийн зүрхэнд шар ус хуруулж байсан авч саяхан сүйгээ цуцалсан. Энэ нь нэг талаас баярлууштай хэрэг боловч Хятадад уран бүтээл туурвихаар одож буй нь мөн л залуусын сэтгэлийг өвтгөөд авсан. Хэлээ зажилж тэгтлээ нялх байх гэж хичээдэггүй ч эмзэг турьхан, нялх хоолойгоор дуулсан дуу нь түүний имижинд хамгийн их тохирдог зүйл. Олон эрчүүдтэй нэр холбогдохын хэрээр түүний хувийн амьдралд өөрчлөлт гардаг ч одоо болтол хэр хөрөнгөтэй нь тодорхойгүй байна. Бээжин, Эрээнээс хувцсаа дардаг гэж ил далд дооглуулдаг нялх дуучин маань уран бүтээл хийх гэж тэгтлээ хичээдэггүйг бодоход амьдралын эх үүсвэр нь хангалттай байдаг биз ээ. Ямартай ч бусад “нялхас”-ын жишгээр байр, машинтай багагүй хуримтлалтай болсон тэрбээр урд хөршийг зорилоо. Нялх амраг гэдэг ойлголтыг үндэслэсэн байж болох ч бусад “нялхас”-ыгаа бодвол овойж оцойтлоо баяжаагүйг нь үзэхэд ёстой нөгөө “эхэнд гарсан эврээс хожуу ургасан сахал” гэгчийн үлгэр болж байна гэж хүмүүс шивэр авир хийдэг юм билээ.

“Макс” Ганбаагийн Монголжингоо
Борооны дараах мөөг шиг олширсон миссийн тэмцээнүүд болохоос өмнө тоотой хэдэн чанартай тэмцээн болдог байв даа. Тийм тэмцээнүүдээр л жинхэнэ миссүүд төрдөг: байсан билээ. Тэдний нэг бол мисс Д.Уянгалянхуа. Мэс засал моод болоогүй үед төрсөн мисс болохоор төрөлхийн гоо үзэсгэлэн, жинхэнэ монгол бүсгүйн, намба төрх шингэсэн инээмсэглэл нь түүнийг чимдэг. Дөнгөж миссийн титэм өмсөөд удаа ч үгүй “Макс” группийн Д.Ганбаатар хэмээх эрхэмтэй холбогдон: тун удалгүй үндэсний хувцас уужаар гангаран наадмын талбайг чимэх болсон. Сайн морь, сайхан хүүхнээр биеэ чимсэн “Макс” Д.Ганбаатарт олон эрчүүд атаархан шүүрс алдцаг. Монголын сайхан бүсгүй нялх амрагаас эхнэрийн зиндаанд хүрсэн хэдий ч арван хуруу тэгш амьдрал мөн л заяасангүй. “Макс” Ганбааг угтаа бол эмэгтэй хүн биш ондоо сонирхолтой гэлцдэг яриа бий учир Уянгалянхуа нялх амрагуудын жагсаалтанд орж буй юм. Зүгээр л тэр сонирхлоо нуух гэсэн өнгөлөн далдлалтаар эхнэртэй болсон гэх яриаг чих дэлссэн эрхмүүд эхнэрт нь битүүхэн санаархдагаа нуудаггүй. Жил бүрийн наадмын зүлэг ногоон дэвжээнээ айраг түрүү авсан морьдоо, сайхан эхнэртэйгээ дагуулан гарч ирдэг Ганбаатар олны нүд хужирласан сайхан эхнэртээ хөрөнгө мөнгө харамгүй цаццаг. Гэсэн хэдий ч залуугаараа гэртээ хоригдох шахаж буй Уянгалянхуаг удаан тэсэхгүй гэж хүмүүс мөрийцөхөд ч бэлэн байдаг. Тэднийг тусдаа амьдарч байгаа гэсэн яриа чих дэлсэх болсоор удлаа.

О.Чулуунбатын нялх амраг мэлзсээр…
Монголын толгой баячуудын тоонд зүй ёсоор ордог хүн бол “Монголбанк”-ны экс ерөнхийлөгч О.Чулуунбат билээ. Байнга элдэв хүүхэнтэй орооцолдож эхнэрийнхээ чихнээс хонх уядаг энэ эрхэм нэг л өдөр улаан ногооноор үсээ будан барби шиг хувцаслан гарч ирсэн “Гала”-гийн экс гишүүн Ануг нялх амрагаараа тодруулаад байна. Төдийлэн энд тэнд уригдаж дуулаад овойж оцойтол мөнгө олоод байдаггүй одонцоруудын нэг бол Ану. Гэсэн хэдий ч бэби стиль имиж, хэлээ зажлан нялхамсах хүүхдэрхүү төрхийг нь нь хүмүүс өхөөрдөж нэг, үзэн ядаж нэг хэлсээр олны танил болж дөнгөсөн билээ. Ану “UB Раlасе”-т анхны бие даасан тоглолтоо бийлэгжүү хийсэн нь нас ахисан амрагийнх нь нөлөө гэж ярилцах нь бий. Кукла шиг эрээн мяраан хувцас амсаж зүүж элдэв гоо сайхны мэс засалд мөнгө цацаж явдаг охинд Чулуунбат гар татдаггүй нь олон зүйл дээр харагддаг. Олны нүднээс далд өрнөсөн тэдний амрагийн харьцаа урт настай байх эсэхийг цаг хугацаа харуулах биз. Анугийн “Би нэг ч залуутай” болздоггүй гэх хиймэл яриа бололтой. Ану энэ удаад нижгэр тоглолт хийснээр түүний амраг хэр хаялагатайг харуулсан хэрэг боллоо.
Одоогийн баядлаар нялх амрагуудын үнэлэмж иймэрхүү төвшинд байна. Үнэлэмж өсөж байгаа нь сонгуулийн үеэр бүр ч тод ажиглагдах болсон. Нялхамрагуудын сонирхогчдын нас нь 40 хол давахын хэрээр амлах зүйл нь ч өөр болдог бололтой юм. Мэдээж үүнийг дагаад учраа мэдэхгүй 20 шүргэж яваа охид нялх насны хатагтай нар энэ тодотголд орж ирэх хандлага байна. Тэдний хүсэх зүйл байр машин, үнэтэй чамин хувцас төдийхөн биш нь тодорхой. Албан тушаал, карьераа өсгөхийн тулд хэн нэгний нялх амраг болох нь тэдний сонголт. Саарал ордонд заларсан эрхмүүдийн 98 хувь нь нялх амрагтай гэсэн албан бус мэдээ бий.
Сайтар ажиглавал тэдний туслах, орон нутгийн болон УИХ-ын сонгуульд хүч түрэн орж ирсэн бүсгүйчүүд ч энд хамаатай. Ямартай ч эмэгтэй хүний хийж болох хэр хэмжээнд эрчүүдийн сонирхолд тулгуурлан хэрэгтэй зүйлээ амжуулж буй бүсгүйчүүдийн гавьяаг үнэлэхээс аргагүй гэдэгтэй олон хүн санал нийлнэ байх. Хэрвээ шударга бус санагдаж байгаа бол эрчүүд бүсгүйчүүдгүйгээр амьдрахад л болох юм.