Ирэх
долоо хоногийн даваа гаригт Монголын Үндэсний аюулгүй байдлын Ажлын
албаны дарга Б.Хурцыг шүүх хурал Лондонд болох гэж байна. Шүүх хуралд
Монголын талаас Гадаад харилцааны яамнаас нэг хүн томилсон бөгөөд хэн
гэдгийг нь нууцалж байна.
ГХЯ-ны Консулын газрын захирал Д.Ганхуягаас цөөн асуултад хариулт авлаа.
-Хэн гэдэг хүн, ямар үүргийн дагуу шүүх хуралд оролцох гэж байгаа талаар нууцлаад байх юм. Энэ тийм нууц юм уу?
-Шүүх хурал дуустал ямар нэгэн мэдээлэл өгөөд яахав гэсэн байр сууринаас бид хандаж байгаа нь үнэн. Би шүүх хуралд оролцохгүй. Монголын цагаар энэ сарын 15-ны 23.00 цагийн орчим шүүх хурал эхлэх бололтой.
Шүүх хуралд оролцох нэг хүн маргааш (өнөөдөр) явах байх.
-Монгол Улс гэм буруутай үйлдлийнхээ төлөө Европын холбооноос уучлал хүссэн гэсэн мэдээлэл байна. Танай яамаар дамжуулж уучлал гуйсан уу?
-Уучлал гуйсан бичиг илгээгээгүй гэв.
Дугаар шилжих мөчид Б.Хурцын хэргээс болж Их Британи улс Монголд суугаа Элчин сайдаа эргүүлэн татах болсон гэсэн мэдээлэл сонсогдов, Энэ мэдээлэл үнэн эсэхийг албаны эх сурвалжаас тодруулан хүргэх болно.
