Их аваргын эх орноо гэсэн халуун сэтгэлээр нь дэлхийн үзэгчид бахархжээ
Уншсан 9734 vote 0 2010.11.13 12:27:35Өнгөрсөн есдүгээр сард ОХУ-ын Москва хотноо болсон насанд хүрэгчдийн чөлөөт бөхийн ДАШТ-ээс С.Батцэцэг хэмээх шавилхан бүсгүй алтан медаль хүртэж, дэлхийн аварга цол хүртсэн.
Шийдвэрлэх барилдаанд Хятадын тамирчинг 8:0 оноогоор ялж, дэлхийн аварга цол хүртсэн түүнийг медалиа гардах азтай агшинд Их аварга мөрөн дээрээ суулган, тэмцээний заал тойрч үзэгчдийг гайхшруулжээ. Тэрхүү баярт агшны өмнөхөн Японы алдарт бөх, 55 кг-ын дэлхийн найм, олимпийн гурван удаагийн аварга Ёшида Сао “Намайг гар дээрээ тэвэрч зургаа авахуулаач” хэмээн Их аваргаас гуйсан гэдэг.
Аварга харийн нутгийн дэвжээнээс алтан медаль хүртсэн элэг нэгт тамирчнаараа бахархаж, “Монголчууд аа хараач. Би япон охиныг биш монгол охиноо мөрөн дээрээ суулгасан шүү” хэмээн өгүүлсэн гэнэ. Энэ тухайгаа ч тэмцээний дараахан Их аварга Оросын телевизүүдэд ярилцлага өгөхдөө хэлжээ.
Их спортын супер одын гуйлтаас илүү монгол тамирчиндаа хүндэтгэл үзүүлсэн түүнийг дэлхийн мянга мянган үзэгчид эх орноо гэсэн халуун сэтгэлээр нь ихэд бахархжээ.
С.Батцэцэг чөлөөт бөхийн ДАШТ-ээс медаль хүртсэн Монголын зургаа дахь , аваргын алтан медаль хүртсэн анхны эмэгтэй тамирчин юм.
www.mongolnews.mn - Эх нутгийн чимээ
wow great ~~~~