Залхуу эрийг хүмүүжүүлэх арга

Бүх эрчүүд ажилсаг байдаг зөвхөн түлхүүрийг нь зөв тааруулах хэрэгтэй.

Нэг.
“Чи дандаа л зүгээр сууж байх юм”, “Чи хэзээ ч тусалдаггүй” гэх зэргээр хэзээ ч зэмлэж үглэж болохгүй. Сүүлдээ нөхөр чинь үүндээ итгээд зөөлөн буйдангаас бүр босохоо байна. Хэдийгээр чи гомдож тунирхах байдлаар ганц 2 удаа дийлэх боловч үргэлж давтагдвал улиг болж сүүлдээ тоох болих ба ингэж байгаад уур нь гарчихдаг юм гээд бүр ч авч хэлэлцэхгүй. Харин тусламж хэрэгтэй бол хайрт минь би амжихгүй байна тэрийг хийгээдхээч гэвэл шууд л босоод ажилдаа ханцуй шамлан орно.

Хоёр.
Та ямар нэг ажил хийх болвол байнга нөхрөөсөө тусламж, зөвлөгөө хүс. Нөхөр чинь нэг юмыг олон дахин тайлбарлахын оронд өөрөө ганц удаа хийсэн нь дээр гэдгийг ойлгоно. Эрэгтэй хүн өөрийнхөө илүү чаддаг юмыг зааж зааварлах, хийж гүйцэтгэхэдээ дуртай байдаг. Таныг заавар зөвлөгөө авах бүрт өөртөө улам итгэлтэй болж тэр ажлыг нуглах болно.

Гурав.
Орой ажлаас ирэхэд нь гараа боочихсон, уйлж суу, нөхрөөрөө өрөвдүүлэхийг оролд. Эр хүн бүр эмэгтэй хүнийг хариуцах байгалийн зөнтэй. Хэрвээ түүний эзгүйд юм хийх гэж байгаад бүтэлгүйтсэн бол би “тэрийг нь аль дээр хийгээгүйгээс л энэ бүх юм боллоо” гэсэн хариуцлагаа өөрөө ухамсарлана. Харин та “Эр хүн байж энийгээ хийчихгүй” гэж бүү загнаарай эргүүлээд танд “Хэн чамайг наадхаа оролдоодох гэсэн юм” гэсэн хариу угтаж авах болно.

Дөрөв.
Нөхрийнхөө хажууд найз хүүхнүүдтэйгээ утсаар ярихдаа түүнийг магт, гарын эв дүйтэй, гэрийн ажилд тусалдаг энэ тэр гэж. Магтаалын үг эрчүүдийн хувьд сэргээш юм. “Мундаг” хийдэг гэсэн бодол нь эрчүүдийг хаа хүртэл ч хол явуулж чадна.

Тав.
Хэрэв нөхөр чинь ямар нэг ажил хийж эхэлбэл түүнийг сайшааж магт, амттай хоол хийж өг, энхрийлж таал. Нөхөр чинь рефлекстэй болог, гэрийн ажил хийвэл шагнал хүртдэгт дасаг. Таны энхрийлэл гарын хоолыг хүртэхийн тулд тэд ажиллах болно.

Бүх хүн авахын хэрээр өгч байдаг гэдгийг байнга сана. Эхлээд магт, хайрла, халамжил тэгвэл танд ч бас магтаал, урам, халамж ирнэ. Загнах, янших, гомдлохын хариуд залхуурал бухимдал л ирнэ.