Д о р н о д , С ү х б а а т а р а й м г и й н 16 суманд мал, амьтны гоц халдварт шүлхий өвчин гарснаас хойш өчигдрийн байдлаар 24350 мал өвчилснөөс 24295-ыг нь устгажээ. Устгасан малын 10 нь тэмээ, 6305 нь үхэр, 12762 нь хонь, 5221 нь ямаа.
Өмнөх хоногоос өвчилсөн малын тоо 31-ээр нэмэгдэж, шүлхий өвчинтэй тэмцэх ажилд 1613 хүн, 75 мотоцикл, 380 машин техник хэрэгсэлтэйгээр устгал, ариутгал хяналтын 74, хөдөлгөөнт хяналтын 123 цэгт үүрэг гүйцэтгэж байна. Сүхбаатар, Дорнод, Дорноговь, Хэнтий аймгийн 42 сумын 5.232.813 малыг вакцинжуулахаас 3.502.997-ыг вакцинжуулжээ.
Сүхбаатар аймгийн Сүхбаатар, Баруун-Урт, Эрдэнэцагаан, Асгат, Халзан, Онгон, Дарьганга, Уулбаян, Түвшинширээ, Баяндэлгэр суманд 16976 мал өвчилснөөс 16958-ыг устгав. Дорнод аймгийн Булган, Гурванзагал, Матад, Сэргэлэн, Чойбалсан, Чулуунхороот суманд 7374 мал өвчилснөөс 7337-г устгасан байна. Өнгөрсөн хоногоос 22 мал нэмж халдвар авчээ.
