УИХ дахь АН-ын бүлгийн өчигдрийн хуралдаанаар төрөөс 2011 онд баримтлах мөнгөний бодлогын төслийг хэлэлцжээ. Өмнө нь мөнгөгүйн зовлон эдэлж төсөв, мөнгөний бодлогоо баталдаг байсан бол одоо байдал өөрчлөгдсөнийг АН-ынхан ухаарчээ.
Орлого нэмэгдэж, илүү гарсан мөнгөө яах тухай ярьдаг болсон учир мөнгөний бодлого боловсруулах арга барилаа ч өөрчлөх ёстой гэж тэд үзсэн байна. Макро хүчин зүйлүүдийн нөлөөг тооцож, судлаад асуудлыг тоо, хувиар нь нарийвчилж тусгах эсвэл ерөнхийд нь оруулаад тухай бүрт нь ярьж, өөрчлөх гэсэн салаа сонголт байгаа аж.
АН-ын бүлгээс байгуулсан Ажлын хэсгийнхэн төсөл дээр ажиллаж, салаа замын алийг сонгохоо ярилцах юм байна. Уул уурхайн томоохон ордуудаа эдийн засгийн эргэлтэд оруулж буй ийм туршлага өмнө нь байгаагүй учир арга замаа тэд илүү чухалчилж буй гэнэ.
