Камбож улсын Засгийн газар БНСУ-ын иргэнтэй гэр бүл болох хүсэлтэй эмэгтэйчүүдийг бүртгэх ажлаа түр зогсоосон тухай тус улс дахь “Монгол” радио мэдээлэв. Ингэснээр “Охид, эмэгтэйчүүдээ хүний наймааны золиос болохоос урьдчилан сэргийлж байна” гэж мэдэгджээ.

Энэ шийдвэрийг гаргахад солонгос хүнтэй гэр бүл болж, тус улсад амьдарч байсан вьетнам, монгол эмэгтэйчүүдийн амь насыг хэрцгийгээр хөнөөсөн хэрэг нөлөөлсөн байж магадгүй талаар БНСУын хэвлэлүүдэд бичжээ. Тодруулбал, өнгөрсөн долдугаар сард солонгос эртэй гэрлээд найм хонож байхдаа нөхрийнхөө гарт харамсалтайгаар алуулсан бол өнгөрсөн есдүгээр сард манай улсын иргэн Г-ийн амь насыг танил эмэгтэйнх нь нөхөр болох солонгос эр хэрцгийгээр хөөсөн билээ.

Камбожийн Засгийн газар дээрх шийдвэрээ өөрийн улсад суугаа БНСУын Элчин сайдын яаманд хүргүүлсэн байна. Дашрамд дурдахад, гадаад хүнтэй суусан камбож эмэгтэйчүүдийн 60 хувь нь солонгос хүнтэй гэр бүл болсон байдаг аж.

www.mongolnews.mn - Эх нутгийн чимээ