Moderator: mgl_300
Бичлэгийн тоо 42,366
Бүсгүйчүүд их хөнгөхөн атлаа хөөрүү сэтгэлтэй. Гэр бүлийн шалихгүй хэрүүл маргаанд дийлдсэндээ амархан гутарч эр нөхрөөсөө салж сарних тухай боддог.
Гэтэл эр нөхрөөсөө саллаа гээд түүнээс илүү сайн хүнтэй учирна гэсэн баталгаа байна уу?
Эрдэмтдийн үзэж байгаагаар бол хайртай хүнээсээ залхана гэдэг шалтгаан бус харин үр дүн хэмээжээ.
Үр дүн нь итгэл найдварыг үндэсгүй болгодог байна.
Тухайлбал: таны нөхөр хангалттай мөнгө олж таныг элбэг хангалуун байлгадаг байж болно. Гэтэл долоо хоногт нэг л удаа богинохон секс хийдэг байлаа гэж бодъё.
Энэ бүхнээс болж таны дотоод ертөнц гутранги, уналтын байдалд орж улмаар хоорондын харьцаанаасаа болж залхаж эхэлдэг байна.
Иймд юуны өмнө асуудлыг шийдэх хэрэгтэй. Танд таны хайр чинь аль эсвэл таны итгэл найдвар хоёрын аль нь илүү үнэ цэнэтэй болох уу?
Та чухам юуг чин сэтгэлээсээ хүсч байна? Тансаг зэрэглэлийн ресторанд цагийг зугаатай өнгөрүүлэх, үнэтэй машин унаж зугаалах аль эсвэл нөхрийгөө ядуу болсон ч байсан гэсэн түүнтэй хамт байх хоёрын аль нь болох.
Хоёр биенийхээ ирээдүйг төсөөлөн бодоход саад болохгүй газрыг сонгож хэдэн минут ч гэсэн цаг зав өөртөө гарга.
Чухам та хаана өөрийгөө илүү их аз жаргалтай, тав тухтай байгаагаа мэдэрч байна уу?
Хэрэв та өөрийн итгэл найдвараасаа салахаар шийдсэн бол,
Хайртыгаа зөвтгөж чадахгүй байсан ч гэсэн түүний санал болгосон шинэлэг бүхнийг хүлээж авахаар шийдсэн бол маш зоригтойгоор урагшаа алхах хэрэгтэй.
Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!
Тэвчээр барагдаж, нөхөд чинь орхивч
Тэнгэр шиг бай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...
Хамгийн хайртай хүн чинь хаяж одсон ч
Хан тэнгэр нурчхаагүй цагт, бүү зов!
Гүтгэж, доромжилж бахаа ганц хангавч
Гүн тэнгэр хэмхрээгүй цагт, бүү ай!
Өвчин зовлонд нэрвэгдэж, тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март!
Яг л амьдрал чинь дуусаж, явах замгүй болсон ч
Яадгаан алдалгүй хүлээ, тэнгэр шиг бай!
Яруухан санаа мехөсдөж, хулгай зэлгийд өртсөн ч
Ядмагхан амьтдыг бүү тоо, тэнгэр шиг бай
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болох үйл бүтээ!...
Гаднаан ямагт бусдаас доорд бай, даруу бай
Гайхуулах хэрэггүй, дотроон тэнгэр мэт агуу бай!
Үг яриа хэрэггүй газарт харцаараа өгүүлж сур,
Үнэн худлыг ялгах аргагүй цагт бурхандаа залбир!
Өнөөдөр чамайг маргааш бусдыг хуурах хүмүүст
Өөр шигээ бүү итгэ, мөрийг хөөж чигийг барь!...
- Холбоотой бичлэг :
- http://www.mglclub.com/3767497/789/trackback
Эрэгтэй хүний худлаа ярих нь хэвийн зүйл төдийгүй маш зөв зүйтэй явдал гэнэ. Эр хүн элдэв зүйл ярихгүй байх юм уу эсвэл санаатайгаар худал ярьдаг бол сайн санаа өвөрлөсний шинж тэмдэг гэж судлаачид үздэг байна. Ер нь эрчүүд, эхнэрээ юмуу эсвэл хайртай эмэгтэйгээ тайвшруулах, сэтгэлийг нь зовоохгүй байлгах гэсэн олон шалтгаанаар худал ярьдаг аж. Харин хайртай залуу чинь гэнэтхэн шулуун шударга зан гаргаад унах вий. Энэ нь цаанаа хэд хэдэн шалтгаантай гэнэ шүү. Үүнд
Огт хайргүй эр
Амраг хосууд хайр дурлал нь унтрахад шууд л баяртай гээд салаад явчихдаггүй. Эр хүн ухаангүй дурласан үедээ ямар ч дутагдлыг анзаардаггүй. Анзаарсан байлаа ч тэвчээд л өнгөрүүлдэг. Харин хайр сэтгэл хувирсан үедээ юм л бол хоол голоод, өчүүхэн зүйлээр шалтаглан буруутгах дуртай болчихдог. Магадгүй гэнэт шударга загнаж бүх үнэнийг чинь хэлж ч мэднэ.
Дуугүй эр
Эрчүүд хэр баргийн зүйл дээр олон таван юм яриад үглээд яншаад байдаггүй түс тас зантай улс. Харин тэд хоёр зүйл дээр огт дуугүй байж чаддаггүй гэнэ. Энэ нь нэгд, хайртай бүсгүй нь секст идэвхгүй, хөшүүн хойрго хандах үед, хоёр дахь нь хайртай бүсгүй нь өөр эрчүүдтэй ил далд сээтэгнээд байвал дуугүй сууж чаддаггүй байна.
Гуйлгах дуртай эр
Эрчүүд их айлгамтгай тунирхуу улс. Хэрэв сэтгэлт хархүү чинь “Би чамд хайргүй” гэж хэлбэл, эсвэл чамтай гэрлэхгүй гэдэг бол, ерөөсөө хүнтэй суухгүй, эхнэр авахгүй гэж ярьдаг бол түүнээс шууд холдсон нь дээр. Тэд хүүхнүүд хайрласандаа намайг гуйж аргадна гэж боддог.
Өдөөн хатгадаг эр
Эрчүүд хүүхнүүдийн өмнө хүлцэнгүй байх дургүй. Тэд юм л бол, надад ийм тийм хүүхэн таалагддаг гэж худлаа ярих дуртай. Ийм үг сонссон 100 хүүхний 93 нь уурлаж хэрүүл дэгдээдэг. Эрчүүд үүнийг л хүсдэг. Үүгээрээ өөрт чинь хэрэгтэй хүн гэж ойлгуулах гэсэн хэрэг.
Үл хүндлэх араншин
Хэнд ч хүндлэгддэггүй хүнийг хэн ч хүндлэхгүй нь мэдээж. Энэ зарчим ялангуяа эрчүүд дээр ил тод илэрдэг. Эрэгтэй хүн хэрэв, хайртай бүсгүйнхээ оюуны чадавхид эргэлзэх ч юмуу, эсвэл өөрөөс нь өөр хүн түүнийг тоож эргүүлэхгүй байгааг мэдэх л юм бол тэр бүсгүйг хүндлэхээ больчихдог гэмтэй. Иймд тэдэнд бүх үнэнээ хэлэх албагүй.
Зальтай эр
Эрчүүд нэг бодлын их зальтай хүмүүс. Тэд мэдээж эхнэрээ араар нь тавьдаг. Тэгсэн атлаа үүнийгээ чин үнэнээр эхнэртээ хэлж буруугаа хүлээх нь элбэг байдаг. Энэ бол тэдний агуу их залины нэг хэсэг юм. Учир нь ийм үедээ эрэгтэй хүн юу гэж хэлэхээ мэддэггүй. Тэгээд үнэнээ хэлж цаашид яахыг эхнэрээрээ шийдүүлэх гэсэн далд санаархал юм.