Moderator: mgl_300
Бичлэгийн тоо 42,366
Амжилтаас үргэлж хойш суудаг хүмүүсийн шалтгаан нь өөрийнхөөрөө амьдардаггүйд байна. Учир нь тэд цаг ямагт бусдын бодол санаа, шүүмжлэлийн нөлөөнд автдаг учраас тэр. Амжилтад хүрч өөрийгөө олон нийтэд таниулахад тэдэнд олон зүйл дутдаг.
Ихэнх тохиолдолд:
- Тодорхой үйл явдал, нөхцөл байдалд зохицож чаддаггүй.
- Айж эмээн, шийдэмгий бус зангаасаа болж шууд шийдвэр гаргадаггүй.
- Өөртөө итгэх итгэл муутай.
- Гомдомхой, байнга хувиа хичээдэг, амархан уурладаг, хэт атаархуу.
Яавал энэ байдлаас гарч чадах бол?
- Өөрийгөө өөрчлөх гээд үз. Хамгийн сайхан дурсамжаа эргэн сана. Тэр үед бие аз жаргалын дааврыг ялгаруулдаг. Та оюун ухаанаа ингэж хянан захирахдаа дараах зүйлийг мартаж болохгүй.
Үүнд:
- Үгээ хяна, эс тэгвэл үйлдэл болон хувирч болно.
- Үйлдлээ хяна, эс тэгвэл муу зуршилтай болно.
- Зуршлаа захир, эс тэгвэл таны зан чанар болон төлөвшинө.
- Та зан чанараа хянаж захир, учир нь таны хувь заяа үүнээс шалтгаална.
Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!
Тэвчээр барагдаж, нөхөд чинь орхивч
Тэнгэр шиг бай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...
Хамгийн хайртай хүн чинь хаяж одсон ч
Хан тэнгэр нурчхаагүй цагт, бүү зов!
Гүтгэж, доромжилж бахаа ганц хангавч
Гүн тэнгэр хэмхрээгүй цагт, бүү ай!
Өвчин зовлонд нэрвэгдэж, тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март!
Яг л амьдрал чинь дуусаж, явах замгүй болсон ч
Яадгаан алдалгүй хүлээ, тэнгэр шиг бай!
Яруухан санаа мехөсдөж, хулгай зэлгийд өртсөн ч
Ядмагхан амьтдыг бүү тоо, тэнгэр шиг бай
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болох үйл бүтээ!...
Гаднаан ямагт бусдаас доорд бай, даруу бай
Гайхуулах хэрэггүй, дотроон тэнгэр мэт агуу бай!
Үг яриа хэрэггүй газарт харцаараа өгүүлж сур,
Үнэн худлыг ялгах аргагүй цагт бурхандаа залбир!
Өнөөдөр чамайг маргааш бусдыг хуурах хүмүүст
Өөр шигээ бүү итгэ, мөрийг хөөж чигийг барь!...
- Холбоотой бичлэг :
- http://www.mglclub.com/3767480/f8c/trackback
Эрчүүд хүүхнүүдийг тал бүрээс нь шинжих дуртай. Хүүхнүүдэд ч шинжүүлэх юм их бий. Жишээ нь, хөл гар, бэлхүүс ташаа, хөх цээж, царай зүс, үс гэзэг гээд. Гэхдээ ихэнх эрчүүд эмэгтэй хүний гоо сайхныг гар хуруугаар чинь шинждэг болох нь батлагдсан аж.
Тэгэхээр хүүхнүүд маань гар хуруугаа арчилж тордож байхгүй бол болохгүй нь. Маск зөвхөн нүүрэнд ч бус гаранд зайлшгүй хэрэгтэй. Өнгөлөг гартай байхын тулд яах ёстой вэ?
Нэгэн гайхамшигтай жорыг танилцуулъя.
-Цайны хоёр халбага гашилсан сүү, нэг ширхэг өндөгний цагааныг лимоны шүүстэй хольж уг холимгийг гартаа түрхээд хөвөн даавуун бээлий өмсч унтаарай. Үр дүн нь гайхалтай мэдрэгдэх болно. Гар хумсан дээрх толбыг лимоны тусламжтайгаар арилгаж болдог.
Үүний тулд гараа сайтар савандаж угаасны дараа лимоны зүсмэлээр арчдаг. Лимон нь хугарамтгай хумсанд ч сайн нөлөө үзүүлдэг. Долоо хоногийн турш өглөө орой хумсандаа лимон түрхэж байвал үр дүнгээ өгнө. Гашилсан сүү гарыг цайруулах үйлчилгээтэй.
Бүсгүйчүүдийн ямагт анхаарч явах ёстой зүйлийн нэг бол яах аргагүй хумс будалт. Өөрийнхөө гарын хэв маягийг харгалзан хумсаа засах хэрэгтэй. Хэрэв та савх шиг сүмбэн хуруутай бол хумсны үзүүрээ дөрвөлжин хэлбэртэй болгож болно.
Харин богинохон махлаг хуруутай бүсгүйчүүд гонзгой, үзүүрийг нь дугуйлсан хэлбэр зохино. Бүсгүйчүүддээ зөвлөхөд гэрийн хүнд хүчир ажил хийхдээ бээлий өмсөж заншаарай. Энэ нь хүний гар хуруу, хумс эвдрэхээс хамгаална.