Би нөхөр хүүхэдтэй сайхан амьдарч байгаа хүн, тэр нэгэн өдөр болоогүй байсан бол би өдийд аз жаргалтай байх байсан байх, одоогоос 2 жил 4 сарын өмнө би нөхөрт гараад жил болж байлаа, 2 сартай жирэмсэн, ажилдаа яваад амьдрал хэвийн үргэлжилж байлаа. Нэгэн өдөр холын хамаатан эгчийн минь нөхөр миний байгаа хотод ирээд надруу залгалаа. Ахын дүү завтай бол буудалд өрөөнд минь ирээд уулзахгүй юу гэлээ, би ч ажлаа тарчлаа, очиж уулзлаа, амьдралаа, сонин сайхан ярьж байгаад, би явах гээд үүдэнд очлоо, ах миний хажууд ирэхээр нь би хаалгаа нээж өгөх гэж байна гэж бодтол шууд хаалгаа цоожлоод гэрлээ унтраагаад намайг үнсэж тэвэрлээ… Би бүүр балмагдаж баахан ноцолдлоо, та чин яаж байнаа… гээд л, арай чүү гэж тэндээс гарахдаа, таньтай дахиж ярихгүй уулзахгүй гээд өрөөнөөс гарлаа. Маргааш нь ах надруу яриад, хүрээд ир гэсэн, би очихгүй байж болох л байсан боловч тэнд очсон. Тэгээд хүргэн ахтайгаа унтсан, яагаад гэвэл урьд шөнө нь надад үнсэх тэврэх, өндөр сайхан бие, царай бүх юм л таалагдаад бодогдоод унтаж чадаагүй билээ. Тэр мөчөөс хойш өдий хүртэл 10 удаа их хол зайтай уулзсан, би зүгээр л түүнд татагддаг, нөхөртөө хайртай хэрнээ, үүнийг уншиж байгаа та бүхэн намайг үзэн ядаж байгаа байхаа, би хэн нэгэнд ярьж сэтгэлээ онгойлгох гэсэн юма. Миний хувьд нөхөр минь миний хань, ах минь  миний хан хүү юм. Энэ байдлаасаа яг одоо гармаар байна, өөрийгөө үзэн ядаж байна. Тэр ах миний хажууд бид нэг газар амьдарч байгаа болохоор хэцүү байна. Би ахыгаа унтахдаа зүүдэлдэг, сэрэхдээ санадаг, хажуугаар нь өнгөрөх, юм ярихдаа миний зүрх зогсох шиг болдог. Сүүлд  хэлэхэд би өөрийгөө ойлгохоо ч байлаа, над шиг ийм байдалд орсон хүн энэ хорвоод байдаг болов уу?