Хайргvйгээр хvн хэчнээн өчvvхэн билээ. Тэр ч утгаараа хvн төрөлхтөнд хосоо олох, хайрлаж хайрлуулж амьдрах шиг жаргал гэж vгvй.

Хvмvvс хайрын энэ нандин харилцааныхаа хамгийн чухал ойлголцлыг хаанаас олж авдаг тухайд бид энэ удаад хөндөхөөр шийдлээ. Яг энэ асуудлаар дагнасан судалгаа ч байдаг юм байна. Францын гэр бvл, гоо сайхны сэтгvvлvvд хамтран судалгаа явуулжээ. Судалгаанд оролцсон европчуудын 92 хувь нь хайр сэтгэлийн харилцаанд анхны болзоо хамгийн чухал гэж хариулсан байна. Тэд хосууд цаашид
хамт байх хэрэгтэй эсэхээ ч хэсэгхэн зуурын энэ уулзалтаар шийддэг гэж хэлжээ.
Монголчууд бидний хувьд европчуудаас арай өөр заншилтай байж мэднэ. Гэхдээ болзох урлагийн талаар vг сонсоход юу нь муу байхав. Хайрын улирал ирж байна. Хосуудын болзооны алтан vе ч эхэллээ. Хайраа бататгах, удаан vргэлжлvvлэхийн тулд анхны болзоондоо ямар алдааг гаргахгvй байх ёстой вэ гэдэг талаар хамтдаа суралцацгаая.

Анхны уулзалт хоёр цагаас илvv vргэлжлэх ёсгvй
Энэ нь хайрын болзоонд хоцорч болох эсэх тухай яриа огтхон ч биш юм. Харин болзоо анхных ч бай, сvvлчийнх ч бай удаан байх учиргvй гэсэн vг. Өмнөх зуунд хосууд болзсон цагаасаа хоцрохгvйг хичээдэг байсан бол энэ XXI зууныхан болзохдоо ямар хугацаанд болзоо vргэлжлэх ёстой вэ гэдэгт илvv анхаарал тавьдаг болсон байна. Яагаад гэвэл шинэ vеийнхэнд цаг шиг vнэтэй эрхэм зvйл гэж vгvй.Тэр ч байтугай хайрыг нь булаасан бvсгvй эсвэл залууд ч гэсэн vнэт цаг заваа хэт илvvчлэн зарцуулах шаардлагагvй гэх vзэл давамгайлах болжээ.

Болзох цагт хязгаар тавих болсон нь нэг талаас маш их завгvй, ажил хэрэг давчуутай холбоотой боловч нөгөө талаас харилцаж буй хvнээ хvндэлж нуршуу яриагаар биесээ чилээхгvй сайн талтай. Хосууд өнөөдөр хоёр цагаас илvv удаан хугацаагаар болзохыг соёлгvйд тооцох болсон байна. Энэ нь бvх насны хосуудад хамаатай хугацаа.Тансаг рестораныг сонгохоо больжээ

Хэнтэй уулзах вэ, хаана болзох вэ гэдэг нь хосуудын хувьд асуудал болохоо нэгэнт больжээ. Хосууд анхны болзоондоо чамин хоолтой тансаг зоогийн газарт ганган чамин хувцас өмсөн очдог уламжлалыг халсан байна. Харин тvvний оронд хөнгөн зуушны газар, олон нийтийн зугаалгын цэцэрлэгт болзох нь илvv зохимжтой гэж vзэх болжээ.

Ингэж уулзах нь анх болзож байгаа хvмvvс аль алиндаа эвгvй сэтгэгдэл төрvvлэхгvй юмсан гэж бие барьдаг байдлыг арилгана. Хөнгөн зуушны газар уулзсан хосууд олон янзын сэрээ хутга барьж сандралгvй, ундаа зуушханыг хvссэнээрээ идэж ууж, чанга чанга инээж хөхөрч болно.
Цэцэрлэгт уулзсан хосуудын хувьд хөдөлгөөн бvрээ хянаж суух зовлонгоос ангижирдаг сайн талтай.

Тооцоотой болзоо элбэгшиж байна
Сvvлийн vед ялангуяа өрнөдөд тооцоотой болзоо маш ихээр нэмэгдсэнийг дээр өгvvлсэн судалгааны дvн харуулсан байна. Ижил төстэй ажил хэрэг эрхэлдэг залуус, эвсэл огт өөр бизнес эрхэлдэг хvмvvс зориуд урьдчилан тооцоолж шинэ сонин мэдээлэл, энергиэр өөрсдийгөө цэнэглэх зорилгоор болзоонд очих нь элбэг болжээ. Банкны эдийн засагчид ч юм уу, хуульчид хоорондоо гэрлэх нь бараг vгvй ч харин хааяа ижил ажил эрхэлдэг нэгэнтэй болзож, зовлон жаргал ярих сайхан байдаг гэсэн хариултыг судалгаанд оролцогсдын 20-иод хувь нь өгсөн байна.
Огт өөр мэргэжил, ажилтай буюу тэс ондоо сонирхол эрмэлзэл бvхий өөр өөр тvвшний хосуудын болзооны хувьд тооцоо гэхээсээ илvv аль алинаасаа цоо шинийг харж мэдрэх гэж иймэрхvv болзоонд очих дуртай гэж европчуудын тал илvv хувь нь хариулжээ. Харин манайхны хувьд өнөөгийн нийгэм, эдийн засгийн байдалтайгаа уялдаад тооцоо, болзоо гэдэг vгсийг мөнгө гэж л ойлгох болов уу.

Хичээнгvй байх гээд vз
Биесээ хvндэтгэн уулзаж болзохоор нэгэнт шийдсэн бол бvхий л зvйлд сэтгэлээсээ хандах хэрэгтэй. Та хоёрын зорьж очсон хөнгөн зуушны газар хvн ихтэй, суух суудалгvй байлаа гэхэд сэтгэлээр унаж хэн нэгнээ эвгvй байдалд оруулж болохгvй. Харин ч хоёулаа тvр хvлээх vv, эсвэл өөр ойрхон газар руу хамтдаа хөтлөлцөж алхаад л хvрчихье гэх мэтээр хөгжилтэй, урамтай хэвээр байгаагаа аль алиндаа ойлгуулах хэрэгтэй. Бvтэлгvйтэж, санаснаар болохгvй vе хэнд ч, хэзээ ч гардгийг бvv март. Тэр тусмаа танилцаж ойлголцохоор анхлан болзож буй vед эвгvй байдалд орох vе бишгvй гардаг тул тэр бvрийд чин сэтгэлээсээ хичээнгvй хандаж, бvгдийг өөдрөгөөр харж байгаагаа биеийн хөдөлгөөн, харцаараа илэрхийлж байх нь зөв.

Мартагдашгvй болзоо
 Мартагдашгvй болзоо гэсэн асуултад европчууд бvтэлгvйтсэн, эвгvй байдалд орсон, чавга шиг улайж байсан болзоогоо онцолж хариулсан байна. Учир нь хvн харилцагч нөгөө хосынхоо төлөө хэтэрхий их чармайлт гаргаж, хичээх тусмаа заавал нэг алдаа эрсдэлийг хийдэг байна.
Энэ нь дэлгvvрийн шилэн хаалгыг мөргөх юм уу, олны өмнө таварцаглаж унах, шилэн аяга хагалах гэх мэтээр янз бvрээр илэрч мэднэ. Хамгийн гол нь болзсон хосууд ингэж будилах тусам өөрийнх нь төлөө, өөрт нь таалагдахын тулд хайртай бvсгvй, эсвэл залуу нь ийм байдалд орлоо гэдгийг заавал мэдэрч vлддэг юм. Тийм учраас л хэтэрхий хичээсэн болзоогоо хvн хэзээ ч мартаж чаддаггvй, vргэлж инээмсэглэн дурсдаг байх л даа.

Болзоо бол хурим биш
 Энэ бол зvгээр нэг сануулга, анхааруулга биш. Хосууд, ялангуяа болзох туршлага багатай өсвөр насныхан, залуус анхны болзоогоо хурим шиг нvсэр болгочих гээд байдаг талтай.Тvvнээсээ болж дахиж уулзахаас ч тээршаах байдалд хvрч болно гэдгийг залуу хосууд мэддэггvй.
Анхны болзоонд хэзээ ч найз нөхдөө дагуулан очих ёсгvй гэсэн алтан дvрэм байдаг. Yvнийг залуус, хөвгvvд, охид төдийлөн ойшоодоггvй.
Чамайг хэн нэгэн жинхэнээсээ болзоонд урьж, уулзах цагаа өөрийн биеэр чамд зориглон хэлсэн бол тvvнийг хvндэтгэх хэрэгтэй. Ганцхан чамтай уулзаж ярих хvсэлтэй байгаагаа илэрхийлэхийн тулд тэр хvн хэчнээн өдөр бодож төлөвлөж, бас ажлаа хойш тавьсныг хэлэхэд бэрх. Өөрөөр хэлбэл, хvнийг сэтгэл гаргаж байхад чи ч гэсэн адилхан хандаж, хvндэтгэх учиртай.
Дээр дурьдсанчлан болзоо бол хурим биш учраас та хоёрын уулзалтад гэрч, бэргэн, адислагч лам хэрэггvй. Хоёул уулзахаар төлөвлөөд байхад гурав дахь дөрөв дэх хvнийг дагуулан ирдэг дутагдлыг олон давтвал хэзээ ч жинхэнэ хосоо олж чадахгvй гэдгийг энд хэлэх гээд байна л даа.

Утга төгс амьдрахын тулд
Болзох хэрэгтэй юу, ашигтай юу гэсэн асуултад судалгаанд оролцсон европчууд дуу нэгтэйгээр эерэг хариулт өгсөн байна. Тэднийхээр хvн утга төгс амьдрахын тулд vргэлж өөртөө болон бусдад жаргал өгч байх хэрэгтэй. Тийм ч учраас ертөнцийг илvv өнгөлгөөр харж, шинээр хайрлаж амьдрахад цэцэг тэврэн, сэтгэл догдлон гvйх болзоо чухал гэж тодорхойлжээ.
Ажил хэргийн уулзалтаас ялгаатай нь хvн хайрын болзоонд очихдоо хэзээ ч сэтгэл зовнидоггvй. Өөрөөр хэлбэл, ажлын уулзалтад очиж буй vедээ хvмvvс маш их сөрөг энерги агуулан, ажил хэрэг заавал бvтээсэй гэсэн тvгшvvртэй байдаг бол хайрын болзоонд уригдсан хvнд алдах юм байдаггvйгээрээ өвөрмөц байдаг.
Тийм ч учраас ертөнцийн бvхий л насны хvмvvс хайрын болзоонд явахдаа хамгийн дуртай байдаг биз ээ.