Өчигдөр өглөө 08.20 цагийн орчим мэргэжлийн сүмогийн Нишиносэки дэвжээний бөх Кэнго хэмээх Б.Төртүвшин бэлтгэлийн үеэр ухаан алдан эмнэлэгт хүргэгдсэн байна. Түүний тархинд цус хуралдсан байсан бөгөөд яаралтай мэс засал хийсэн ч одоо хүртэл ухаан ороогүй байна. Б.Төртүвшин энэ сарын 7-нд хүзүү өвдөж байна хэмээн бэлтгэлд гараагүй гэнэ. Хоёр өдөр амраад бэлтгэл хийж эхэлсэн ч “Гэнэт дотор муухай оргилоо” гэж хэлээд ариун цэврийн өрөөнд орж, бөөлжиж эхэлсэн гэнэ. Ояката байдлыг хэсэг ажигласан ч ухаан алдсан тул түргэн тусламж дууджээ.
Эмч нар залуугийн амь насанд аюул учрахгүй хэмээсэн байна. Тэрбээр тавдугаар сараас барилдаж эхэлсэн бөгөөд Нагоя башёд зургаа ялан, жонидан зиндаанд дэвшээд байв. Японы Цагдаагийн газраас Нишиносэки дэвжээний багш нарыг дуудан, хэрэг явдлын талаар шалгаж байгаа аж.
