Би 20 гаруй насний эгэл жирийн л эмэгтэй. Ажил, өндөр цалин гээд амьдралд хэрэгтэй бүх л юм надад байсан. Нэг найз залуутай тэрнийг таньдаг болоод удсан ч цуг амьдраад хэдхэн сарын нүүрийг л үзсэн. Тэр ихэнхидээ зүгээр ч заримдаа гэнэт балмад авир гаргадаг халамцуудаа хааяа эрүүлдээ ч бас. Нэг удаа намайг гэрт нь эмээтэй нь хоол хийгээд орой байж байтал халамцуу орж ирээд шөнөөр эмээгийнхээ дэргэд намайг зэрлэгээр зодож багалзуурдсан. Хэлэх хэлэхгүй үгээр намайг доромжилж ална хэмээн заналхийлсэн. Энэ үед л тэр надад гэнэт огт танихгүй хүн шиг санагдсан. Маргааш нь надаас уучлал гуйгаагуй ч хэд хоногийн дараа өөрөө би түүнийг уучилж дахин хамт амьдрах болсон. Эмэгтэй хүмүүс нэг иймэрхүү л байхымдаа уучилаад уучилаад л. Энэнээс хойш ч балмад зан нь арилаагүй гэвч би шүд зуугаад л тэсдэг байсан.

Харин саяхан би гадаадын нэгэн оронд сурахаар болсон. Хамаг л цуглуулсан мөнгөө сургалтын төлбөртөө өгч өөрөө өөрийгөө хичээлийн хажуугаар цагийн ажил олж хийж болгоно гээд бусад залуусын адил л хүсэл мөрөөдөлтэйгөөр кармаандаа хэдхэн төгрөгтэй энэ оронд хул тавьсан. Энд ирээд бараг эхний өдрөө л жирэмсэн гэдгээ мэдсэн. Мэдээд маш их баярласан. Намайг найз залууруугаа энэ мэдээг хэлхээр залгахад утсаа ерөөсөө авахгүй байсан. Өдөр нь нялуун үгээр оффлайна үлдээсэн байдаг байсан оройдоо таг чиг. Энэ байдал давтагдсаар сүүлд нь би эмайлийг нь үзэхээр шийдсэн.

Харин хамаг учир тэр өөр эмэгтэйтэй болсонд байжээ. Намайг явсны маргаашнаас л тэр хуучин найз охиныгоо эргүүлдэж хаа байгаа газарт нь очиж найз охидтой нь хотын хамгийн үнэтэй газруудаар дагуулж явч даагаад явдаг гэдгийг сонссон. (би явахдаа бүр өөрөө цөөхөн мөнгөтэй байж түүнийг өрөвдөөд мөнгө үлдээсэн гээд боддоо). Хамгийн аймшигтай нь тэрний энэ бүх хууралт намайг Монголд байхад л эхэлсэн байсан юм билээ. Намайг эзгүйчилж байнга тэр эмэгтэйтэйгээ уулзаж нэг ёсондоо давхар амьдралаар амьдарч байсан гэдгийг сая л олж мэдсэн. Удахгүй надаас салж түүнтэйгээ байна гэж байнга өөрт нь итгүүлдэг тэр бүү хэл намайг сэтгэцийн өвчтэй гэж хүртэл түүндээ ярьдаг байсныг сүүлд нь олж мэдээд маш их цохилтонд орсон. Бид 2-н явдаг ордог бүх газруудаар тэр нөгөө эмэгтэйгээ дагуулж явдаг байсныг сонсоод үнэхээр дотроо гомдсон. Өнөөдөр намайг дагуулж орсон бол маргааш тэрнийг дагуулж орох жишээтэй иймэрхүү байдлаар тэр бид 2-той харьцдаг байж.

Энэ бүхнийг нэг л өдөр түүний майл хаягруу нэвтрэн орж мэдэж авсан. Тэр үргэлж намайг муулж бахаа хангадаг байж. Үргэлж л надаас илүү түүнийгээ хүсдэг байсан гэнэ. Энэ бүх хугацаанд миний хөдөлмөрлөж олсон  бүх л мөнгийг тэр эмэгтэйн зугаа цэнгэлд зарцуулж байсан гэж бодохоор санаанд багтамгүй…

Гэнэт илэрсэн энэ бүх зүйлийг тэр эхлээд улайн цайн няцааж намайг элдвээр доромжилж хий юм санаанаасаа зохиодог өвчтэй болцийнмуу чи ер нь сэтгэцээ үзүүл гэх мэтээр загнаж би бол журамтай хүн тэр муу янхантай би юу гэж уулздаг юм гэж байсан ч сүүлдээ бүх эмайлүүдийг нь уншсанийг мэдээд буруугаа дуртай дургүй  хүлээж эхэлсэн.

Гэхдээ одоо хүртэл надаас уучлалт яг таг гуйгаагуй л байна. Харин ч утасдаж намайг тавлаж элдвээр хэлсээр. Чи яах гэж мэдсийн хохь нь. Би чамайг яаж ингээд мэдчихнэ гэж санадгийн гэж хэлж байгаа хүнтэй юугаа ч ярьхавдээ. Тэгсэн мөртлөө гэнэт би чамд хайртай салахгүй гэж байснаа дахиад л  гэнэт чамаас салуул би үхнэ чиний амьдралыг там болгочоод үхнэ гэх мэтээр заналхийлж байгаа. Заримдаа тэрнийг харин эрүүл эсэхэд эргэлзэх юм.

2 өдрийн дараа би энд абортонд орно. Төрүүлнэ гээд хөл газар хүрэхгүй баярлаж байсан ч надаа энэ явдлын дараа өөр сонголт үлдсэнгүй. Урьд нь бол түүнийг араас минь ирээд хоулаа бүхнийг болгоно бүх юмыг нийлээд давж туулна хоосон ч хамаагүй хоюулаа байхад хүүхдээ төрүүлээд яаж ийж байгаад 3-уулаа сайхан амьдарна л гэж найдаж байсан. Харин одоо түүнийг бодоход л дургүй хүрч байна. Урьдны гаргаж байсан бүх муухай зангууд нь нүдэнд харагдаж ер нь л түүнийг дахиж өөртөө хүлээж авах битгий хэл харах ч хүсэл алга. Хүний газар сурах гэж ирээд гав ганцаараа газар мэдэхгүй ойр зуурын унааны мөнгөнөөс өөр юмгүй надад өөр сонголт байгаа гэж үү. Ядаж л ганцаараа бол хэцүүдлээ гэхэд гадаа ч хоноод байна. Буцаад монголруугаа явлаа гэхэд тэр новштой суух гэж үү? Дахиж зодуулмааргүй доромжлуулмааргүй байна. Ямар ч гэм зэмгүй үр минь энэ хорвоод төрөөд жаргалтай байж болох байсаан. Завхай эцэг өчүүхэн зовлонг даахгүй эх 2-н харгайгаар энэ хорвоод төрөх хувь дутжээ.