Moderator: mgl_300
Таны төрсөн ордноос хамаарч танд тохирох ажил мэргэжил байж болох талаар зурхай судлаачид зөвлөж байна. Энэ нь та тохирох мэргэжлээ эзэмшин, ажилдаа сэтгэл хангалуун байж амжилт олох үндэс гэнэ шүү. Жишээ нь хонины ордны хүмүүс багш, улс төрч жүжигчин, эсвэл эмч цэргийн эрх дархтан, гоо сайхны мэргэжилтэн гэх мэт ажил мэргэжилд илүү үр бүтээлтэй ажилладаг байна.
Хонь
Тэдэнд ямагт хувиран өөрчлөгдөх нөхцөлтэй мэргэжил илүү тохирно. “Цаг хугацаа хавчин шахдаг” ажил тэдэнд таарах бөгөөд шинэ зүйлийг судлахад бэлэн боловч хүчээ сайн тооцоолж чаддаггүй.
Энэ ордны хүмүүсээс сайн багш, улс төрч, жүжигчин, сэтгүүлч, эмч, цэргийн эрх дархтан, гоо сайхны мэргэжилтэн зэрэг болно. Хониныхонд удаан суудаг, нэг янзын ажил үл тохирно.
Үхэр
Данс бичиг, тоо, мэдээ баримт тэднийг айлгадаггүй харин ч итгэл төрүүлнэ. Тэдний олонхи нь “алтан гартан”, гар урлалд авьяастай. Мөн сайн инженер, техникч, механикжуулагч байна. Yхрийн ордныхон байгальд дуртай тул цэцэгчин, ногоочин, малчин, газар тариалангийн мэргэжлийн ажил тохиромжтой. Тооцоо сайн хийдэг, байгаль дэлхийтэй ойр ажиллах дуртай тэдэнд бохир, маш нарийн, гярхай ажил таатай санагддаг.
Ихэр
Энэ ордонд төрсөн хүмүүс мэдээлэл солилцох зэрэг өргөн арга барил шаардах, хөдөлгөөнтэй мэргэжлийн чигийг баримтлах нь зүйтэй. Тэдэнд хөдөлгөөнгүй тогтонги байдал, суумал ажил тохирохгүй. Хамтатгахын ордныхон тэсвэр муутай гэдэг. Байнга өөрчлөгдөж, шинэ содон, үргэлж ямар нэг зүйлийг эрэлхийлсэн ажил илүү сонирхолтой байдаг байна.
Мэлхий
Тэд мэдээлэлтэй ажиллаж, аятайгаар түүнийгээ өгч чаддаг. Сэтгэл зүйн ухаан, эдийн засаг, түүх, ёс заншил, уламжлал болон музей зэрэг эвсэг нийлэмжтэй ажил тэдэнд тохиромжтой. Мэлхийн ордныхон амжилт нь бодитой, ил гарах ажилд дуртай. Тэдэнд хамт олноосоо удаан хугацаанд тасрах шаардлагатай мэргэжил үл тохирно. Энэ ордны эмэгтэй сайн эмч, сувилагч, хүүхдийн байгууллагын хүмүүжүүлэгч болно.
Арслан
Тэдний мэргэжилд “би өөрөө” гэх үзэл нь ямагт илэрч өөрийгөө тодруулах арга, өөрийнхөө ажлын эзэн байхыг хичээнэ. Энэ ордныхонд мэс засалч, барималчин, байгууллагын дарга, удирдаач, сэтгүүлч, орчуулагч, дизайнер, хүмүүжүүлэгчийн мэргэжил илүүтэй тохирдог. Арслангийн ордныхныг театр, олон нийтийн болон зохион байгуулах ажил ихээхэн татдаг байна. Тэд галд дуртай тул металл боловсруулах, гал команд, цэрэг дайны мэргэжилд бас тохирно. Yг дуугүй даган биелүүлэх ажил тэднийх биш ээ.
Охин
Тэд хөдөлмөрийнхөө үр дүнг үзвэл амжилттай ажиллана. Охины ордныхноос сайн химичид, эм найруулагчид , төлөвлөгөөний байгууллагын ажилтан гарч болно. Энэ ордны хүүхнүүдэд хяналт сайтай, хөдөлмөрлөх нөхцөлийг хамгаалах, нийгмийн тусламж үзүүлэх тийм газар онцгой тохирдог. Охины ордныхонд аз туршсан ажил үл таарна.
Жинлүүр
Тэд хамтын хөдөлмөртэй холбоотой баялаг харилцаа бүхий мэргэжил сонговол илүү үр дүнтэй. Ажил нь урлагийн чиглэлийн, гоо зүйг анддаггүй, олон түмнийг хамарсан үйл ажиллагаа буюу үсчин, археологич, сийлбэрчин, дизайнер, өндөр мэргэжлийн слесарь, цахилгаанчин байна. Зүрх зориг гаргах, жигд ажиллагааг эрс өөрчлөх шаардлагатай мэргэжил тохирохгүй. Жишээ нь эмч, ялангуяа түргэн тусламжийн эмч, хууль цаазны мэргэжилтэн, сэтгүүлч байж таарахгүй. Санаа бодлоо солилцон, үргэлж хамтын хөдөлмөрөөр бүтдэг ажилд урам зоригтой хийж чаддаг.
Хилэнц
Тэд бүх хүч чадлаа дайчилсан идэвхитэй мэргэжлийг сонгон авах хэрэгтэй. Эдгээр нь хуулийн мэргэжилтэн, эрүүгийн хуулийн ажилтан, анчин, тамирчин, сэтгүүлч, эмч зүйч байна. Эдгээрээс гадна сайн тогооч, номын санч, орчуулагч зэрэг мэргэжил тохирно.
Нум
Энэ ордонд төрөгсдийн идэвхи ертөнцийн уудамд тэмүүлэх мэт. Тэд санаачилгатай, хурдан шаламгай, авхаалжтай шинэтгэгч байдаг. Нумынхнаас сэтгүүлчид, менежер, сувилагч, хуулийн ухааны мэргэжилтэн, эсгүүрчид гарч болно. Харин урлан бүтээгчид, тогооч нар төрвөл төдийлөн амжилт гаргахгүй.
Матар
Тэд бодлого сайтай, хөдөлмөрч, болгоомжтой, үүрэг хариуцлагаа ухамсарлаж чаддаг тул эм зүйч, эрдэмтэн, шинжээч, лаборант, эдийн засагч, агрономичийн мэргэжилд татагдана. Хаана л уйгагүй нарийн, тэвчээртэй, шаргуу ажиллагаа шаардагдана тэнд матрынхан байдаг. Тухайлбал, радио хэрэгсэл засах юм уу, архивын эрхлэгч байсан ч тэдгээр нь хэнээр ч орлуулж сольшгүй хүмүүс байдаг. Харин аз турших, гэнэтийн хүндрэл учрах мэргэжил үл тохирно.
Хумх
Энэ ордныхон дотоод чанартаа шинжлэх ухаан, техникийн дэвшлийг тодорхойлсон мэргэжилд тохирмоор диалектикч байдаг. Энэ нь төрөлхийн зохион бүтээгч, сэтгэл зүй, гүн ухаан, бодис зүй, хими, гэрэл зураг юм. Инженерийн ажил, эрдэм шинжилгээний хайгуул тэдний ашиглавал зохих салбар. Мөн хумхын ордныхон сайн ерөнхийлөгч байж чадна. Тэдэнд үйлчилгээ, учир нь, нийгмийн хангамж, хуулийн мэргэжил таарахгүй. Хатуу дэглэм, захирагдах ёсонд дургүй учраас.
Загас
Тэдэнд өөрийгөө илэрхийлэх бүтээлч авъяас, зөн билгээ дэлгэрүүлэх мэргэжил шаардагдана. Тэдгээр нь зөвлөгч, шинжээч, мэдээллийн ажилтан, эмч, урлагийн ажилтан, багш нар байна. Загасны ордныхон мэргэжлээ сонгохдоо хүнлэг, ер нь нинжин чанараа удирдлага болгох ёстой. Тэдэнд “санаа сэтгэл” бага зориулах мэргэжил тохирохгүй.
Зөвхөн мэдэж аваад л, мэдсэнээ хэрэгжүүлэхгүй юм бол, юу ч сураагүйтэй адил.
- Холбоотой бичлэг :
- http://www.mglclub.com/3490091/4d2/trackback
