Moderator: mgl_300
Бичлэгийн тоо 42,366
Гадаадад ажиллах хүч илгээх төвөөс энэ онд БНСУ-д хөдөлмөр эрхлэх сонирхолтой 14 мянган хүнийг бүртгэсэн боловч тэднээс ердөө 3105 хүний нэрийг шалгалтанд тэнцсэн хэмээн бүртгэснээ Солонгосын тал зарласан нь бусад иргэдийг бухимдуулсан талаар бид мэдээлсэн.
Улмаар НХХЯ-наас Солонгосын талтай ярилцаж тохиролцохоор болсон билээ. Ингээд өчигдөр БНСУ-ын Хөдөлмөрийн яамны төлөөлөгчид манай улсад ирсэн байна. БНСУ-ын Аж үйлдвэр, Хүний нөөцийн хөгжлийн хэрэг эрхлэх газрын Монгол дахь төлөөлөгчийн газрын суурин төлөөлөгч Юү Мён Сү энэ талаар ярихдаа:
-БНСУ-ын Аж үйлдвэр, хүний нөөцийн хөгжлийн хэрэг эрхлэх газар 2010 онд Монгол Улсаас авах ажиллах хүчний квотод 3100 хүнийг солонгос хэлний төвшин тогтоох шалгалтад тэнцүүлнэ гэж тусгасан. Эдгээрээс эрүүл мэндээр тэнцсэн хүмүүсийг БНСУ-ын Хөдөлмөрийн биржид нэрийг нь байршуулахаар шийдвэрлэсэн. Харин Монголын талаас тавьж буй 80-аас дээш оноо авсан бүх хүнийг эрүүл мэндийн үзлэгт оруулж, хөдөлмөрийн биржид нэрийг нь байршуулах хүсэлтийг хүлээн авах боломжгүй. Учир нь БНСУ нийт 15 орноос ажиллах хүч авдаг бөгөөд энэ жилийн ажиллах хүчний квотыг дээрх 15 улсад хуваан хуваарилсан. Хэрвээ Монголын талаас тавьж буй хүсэлтийг хүлээн авбал бусад улсын ажиллах хүчний квотод ч мөн өөрчлөлт оруулах шаардлагатай болно. Тиймээс танай улсын талаас тавьж буй энэ хүсэлтийг бид хүлээн боломжгүй гэлээ.
Мөн Монгол иргэдийг бухимдуулсан нэг асуудал нь цөөхөн хүн бүртгэх байж 14 мянган бүртгэсэн явдал байсан. Тэгвэл энэ талаар тэрээр “Вьетнамаас ажиллах хүч авахдаа 70 мянган хүнийг бүртгэж, 7000 хүнийг солонгос хэлний төвшин тогтоох шалгалтад тэнцүүлсэн. Харин Монгол Улсад 14 мянган хүн бүртгэснээс 12250 хүн солонгос хэлний төвшин тогтоох шалгалт өгч 3105 хүн тэнцсэн. Энэ бол тухайн улсаас авах ажиллах хүчний дээд хязгаар, үүнийг өөрчлөх боломжгүй” гэсэн юм.
Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!
Тэвчээр барагдаж, нөхөд чинь орхивч
Тэнгэр шиг бай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...
Хамгийн хайртай хүн чинь хаяж одсон ч
Хан тэнгэр нурчхаагүй цагт, бүү зов!
Гүтгэж, доромжилж бахаа ганц хангавч
Гүн тэнгэр хэмхрээгүй цагт, бүү ай!
Өвчин зовлонд нэрвэгдэж, тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март!
Яг л амьдрал чинь дуусаж, явах замгүй болсон ч
Яадгаан алдалгүй хүлээ, тэнгэр шиг бай!
Яруухан санаа мехөсдөж, хулгай зэлгийд өртсөн ч
Ядмагхан амьтдыг бүү тоо, тэнгэр шиг бай
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болох үйл бүтээ!...
Гаднаан ямагт бусдаас доорд бай, даруу бай
Гайхуулах хэрэггүй, дотроон тэнгэр мэт агуу бай!
Үг яриа хэрэггүй газарт харцаараа өгүүлж сур,
Үнэн худлыг ялгах аргагүй цагт бурхандаа залбир!
Өнөөдөр чамайг маргааш бусдыг хуурах хүмүүст
Өөр шигээ бүү итгэ, мөрийг хөөж чигийг барь!...
- Холбоотой бичлэг :
- http://www.mglclub.com/3451773/b0f/trackback
.jpg "зураг")
Та гадаад дүр төрхөө эрс өөрчилж чадсан хүмүүсийн зургийг харж байна. Америкийн хамгийн алдартай бодибилдингийн сайт дээр хамгийн огцом өөрчлөгдөж чадсан хүмүүсийн өмнөх болон одоогийн гэрэл зургуудыг харьцуулан тавьжээ. Мэдээж тэд ийм амжилтад хүрэхийн тулд "зовж", хичээсэн нь тодорхой. Гэхдээ та ч гэсэн бусдаас дутах юу билээ. Жингээ хасаж, гоо сайхан болоход юун түрүүнд сэтгэл зүйн байдал маш чухал нөлөөтэй. Хооллолт. дасгал хөдөлгөөнөөс өмнө шүү дээ. Жингээ хасах олон арга байдгийн нэг нь бодол санаагаа удирдах.
Сэтгэл судлаачид турах хүсэлтэй бол түүнийг толгойноосоо эхлэх хэрэгтэй хэмээн зөвлөж байна. Тодруулбал бодол санаагаа удирдах. Та харин оюун бодлоо хянахын тулд эхлээд яагаад, ямар зорилгоор турах хэдэн кг жин хасах хүсэлтэй байгаа, гуалиг бие галбиртай болоход хэдэн кг жинтэй байхад тохирох гэхчлэн асуултыг өөртөө тавьж, сайтар эргэцүүлэн бод. Эдгээр асуултад чин сэтгэлээсээ, нухацтай хариулахыг хичээ. Ингэхдээ цаас авч бичвэл тун сайн.
Жин хасах хоолны дэглэм сахих нь ямар нэг байдлаар бие организмыг хямраадаг тул байнгын арчилгаа, эерэг бодол санаагаар бие сэтгэлээ удирдах нь илүү үр дүнтэй байдаг юм. Японы нэрт зохиолч Харуки Мураками "Дагуул" хэмээх номондоо, "Бие бол оюун санааны дагуул. Бие сэтгэл хоёр олон жил зэрэгцэн амьдардаг ч нэг нэгнийгээ ихэд хожуу ойлгодог" гэж бичсэн байдаг. Өөрөөр хэлбэл, таныг ямар нэг зүйл шаналган сэтгэлийг чинь тавгүйтүүлээд байвал бие чинь ч төгс сайхан байж чадахгүй гэсэн утга юм. Фэнгшуйгийн сургаальд бидний оюун ухаан, материаллаг чанартай хэмээн сургасан байдаг юм.
Иймээс хоолны дэглэм сахихаар шийдсэн бол өөрийн бие организмыг таньж мэдэж сурах хэрэгтэй. Өөрийнхөө биетэй ярихыг хичээ. Тухайлбал, өглөө яах ийхийн завдалгүй орноосоо босон харайхын хэрэггүй. Сэрээд хэсэг зуур хэвтээд өөрийхөө биеийг чагна, түүнтэйгээ "ярилц". Таны ходоод хоол хүсэж буй эсэхийг нь асуу. Орой ямар ваннд суух эсэхийг нь ч лавла. Таны арьс ямар тос түрхүүлмээр байгааг нь сонирх. Энэ бүхний дараа өөрийнхөө хамгийн дуртай хөгжимд бүжиглэ. Амттай өглөөний унд бэлтгэ.
Тэгээд шинэ өдрийн өмнө нүүр дүүрэн инээмсэглэ. Таалагдсан хувцсаа өмсөн толины өмнө зогсоод өөрийгөө сайтар ажиглаарай. Тарган эсвэл нүүрнийхээ батга сэвхийг хараад битгий эмзэглэ. Өөрийгөө ямар бие галбиртай болгохыг хүсч буй тэр байдлаар нь төсөөл. Эсвэл ямар нэг сэтгүүлийн зургийг нүдэндээ тусах газар байрлуулж, хоол идэх дуршил асах үед түүнийг очиж хараарай. Хэрвээ таны гар өөрийн эрхгүй амттан шүүрч авах гэвэл түүний оронд дэвтэр үзэг авч тухайн хоромд таны хоол идэх дуршлыг өдөөж буй бодлуудыг гээлгүй бич. Энэхүү тэмдэглэгээнийхээ тусламжтайгаар та идэх хүсэл төрдөг үеүдийг мэдэх боломжтой болно.
Бичсэн тэмдэглэлээ нягталж үзсэнээр ганцаардал, өлсөлт, залхуурал, нөхцөл байдлыг өөрчлөх хүслийн аль нь таныг хөргөгч рүү хөтлөөд буйг ялгаж салгах болно. Бас хоол шиг таныг баярлуулдаг өөр ямар нэг зүйлийг хайж ол. Энэ нь бүжиг эсвэл аль нэг спорт байвал бүр ч сайн. Мөн турах, хийж буй зүйлээс таашаал авахыг хослуулах хэрэгтэй. Учир нь сэтгэл өөдрөг байх тусам жин буурдаг гэдэгт итгэх хэрэгтэй юм. Манай Монголчууд ч эрт дээр үеэс сэтгэлд гал байвал зууханд гал олдоно хэмээдэг байсан нь бүх зүйлд сэтгэлээсээ хандаж чадвал амжилтад хүрч болдгийг бас хийж бүтээж чадахгүй, болохгүй зүйл үгүй гэдгийг хэлсэн хэрэг. Товчоор хэлэхэд та гуалиг сайхан болохыг хүсэж байвал юун түрүүнд сэтгэлээ бэлтгэн, оюун санаагаа удирд. Гэхдээ тууштайгаар.