Одоо 28 настай. Нөхөр маань надаас хоёр дүү. Гэхдээ бид хоёр арван жилийн сургуулиасаа эхэлж найзалсан, ер нь хэн хэнийхээ анхны хайр нь гэхэд болно. Нөхөр маань надаа маш их хайртай, бид олон жил үерхэж явсаар суусан, одоо тусдаа амьдраад 6 жил болж байгаа. Танилцсанаад үерхсэнээсээ эхлээд гэхээр бараг арваад жилийн хугацаа өнгөрсөн, гэхдээ бид хоёр хэзээ ч бие биенээ хуурч байгаагүй, тэгж ихээр хөрч ч байгаагүй. Одоо хүү охин хоёртой, тэд 4, 2 настай. Уг нь би өөрийгөө их аз жаргалтай эмэгтэй гэж боддог. Миний нөхөр надад маш их хайртай, халамжтай, ажилч хичээнгүй, амьдралын төлөө зүтгэдэг.

Би ойр ойрхон төрж, гэртээ нилээн суусан. Гэхдээ одоо би ажилдаа орчихсон, бас ч гайгүй албан тушаалд очоод байгаа. Нөхөр маань ч албан тушаал дээшилж яваа, боломжийн бөгөөд ирээдүй бий.

Харин ойрноос би ажлын дарамт ачааллаас болоод байна уу нэг л ууртай бухимдуу болчихлоо. Яг энэ үед улам их анхаарал шаардаад байх шиг байна. Харин нөхөр маань дуртай үедээ найзуудтайгаа зугаалчихдаг, хүнд хэцүү үед нь би дэргэд нь байдаг, эсвэл найзууд нь байдаг. Найзуудтайгаа бас ажлынхантайгаа яваад байя гэвэл бараг долоо хоногт 1 удаа явчихна. Архи уугаад элдэв янз болохгүй ч, сүүлийн үед улам их шунаад байх юм. Надад халамж маш их хэрэгтэй энэ үед намайг тоохгүй найзууд, ажил, архи гээд явчихаад байгаад нь гомдоод байна. Тэр ажлын ачаалалаасаа болоод /ээлжээр ажилдаа явдаг/ надтай бараг унтахаа больсон. Эсвэл тэр ядарсан, эсвэл би ядарсан. Хүүхдүүд маань бага байгаа учраас хүссэнээрээ сексдэж чадахаа болиод удсан байсан. Харин одоо арай гайгүй болтол хоёулаа ядраад… Тэр намайг энгийн үед хайрлаж үнсдэг, тэвэрдэг, элдэв янзаар биед маань хүрч өдөж тоглодог, намайг тэвэрч, хүүхдүүдтэйгээ ноцолддог /хүүхдүүд маань намайг харамладаг болохоор тэгэхээс тэгэх гэж…/

Бас тэр хэзээ ч надаас утсаа нуудаггүй, миний хажууд хамаагүй орхидог, нууцаар хэн нэгэнтэй ч ярьдаггүй. Ингээд бодохоор тэр лав нууц амрагтай биш байх. гэхдээ тэр ямар 40 гарсан биш, 14 хоног секс хийхгүй байж чадах уу… Бодоод байхад би түүнээс хайр биш секс хүсээд, хийж чадахгүй болохоороо тоохгүй байгаа юм шиг бухимдаад байгаан боловуу. ХҮмүүс намайг чи өөрөө эхэлж болно шдээ гэх байх л даа. Би өөрөө эхэлдэг ээ, харин сүүлийн үед нэг бол тэр ажил дээрээ хоносон, нэг бол ирээд ядраад нам унтсан, нэг бол байхгүй найзуудтайгаа архи уугаад явсан, нэг бол шартаад хэвтсэн, нэг бол би уурласан… ийм л байх болжээ.

Миний бодоход бид хоёр нөгөө гэрлэлтийн хоёр дахь шатандаа орчихоод бие биенээсээ уйдаад байна уу… Яагаад байгаа юм бол…