Би 35 настай жирийн л нэг гэр бүлтэй эмэгтэй. Нөхөртэйгээ суугаад 10-аад жил болж байгаа 2 хүүхэдтэй. Сүүлийн үед сэтгэл гэгэлзээд нэг л сонин байгаад байх боллоо. Манай нөхөр уг нь их бодь хүн л дээ. Надаас 6 ах юм. Наснаасаа болоод тэгдэг юм уу надад нэг л хөндий санагдаад байх юм. Би болохоор хаяа эрхэлж нялхармаар, эсвэл галзуу гал цогтой секс хиймээр. Нөхөр маань нэг хэвийн яг л үүргээ биелүүлж байгаа юм шиг сард 2-3 удаа яг нэг янзаараа эр эмийн ажлыг хийх ба тэр нь ямар ч сонирхолгүй. Уг нь дөчин настай эр , дөрөө дарсан ат гэдэг биз дээ. Би сүүлдээ анхныхаа хайрыг бодоод олж уулзмаар санагдаад ичих ч үгүй ганц нэг хүнээс утсыг нь асуугаад авсан шүү. Уул нь би нөхөртөө охин чигээрээ нэр төртэй очсон юм л даа. Одоо өөр зүйл хүсээд байнаа. Нөхрөө өөр хүнтэй болсон юм болуу гэж бодож үзлээ. Эхнэрийгээ барахгүй байгаа хүн өөр хүнд үйлчилж чадах болов уу. Тэгээд яг ийм байдал дээрээс нууц амраг, араар тавилт, гэр бүлийн хэрүүл үүсдэг байх гэж бодсон ч гэсэн шинэ соргог юм сонирхох хүсэл маань салахгүй юм. Одоо бол нөхөр залуу хүн шиг намайг эрхлүүлж нялхархаасаа өнгөрсөн байхаа. Тэгээд би үлдсэн бүх насандаа энэ байдлаар амьдрах юм уу гэж бодохоор харамсаад өөрийгөө зоригжуулаад хүнтэй уулздаг юм уу гэж бодоод байгаа. Ганц олдсон амьдралаа яагаад ийм уйтгартай сэтгэлийн шоронд өнгөрүүлэх ёстой юм бэ. Хөгширсөн хойноо харамсах ч юм бил үү. Юунд зориулж хадгалсан юм бол гээл… Надад зөвлөгөө өгөөч…