Монгол улс эрэгтэй хүүхдийг багаас нь амьдралд бэлтгэх ёстой болжээ. Єнєєдрийн монгол эрчүүдийн маань зарим нь олон олон муу шинжийг єєрсєддєє цогцлуулжээ. Хүн муу, муухай, нийгмийн шаар болж амьдрах шиг амархан зүйл алга. Тэгвэл манай эрчүүд 1990 оноос хойш үхтлээ архидлаа, гэмт хэрэгт орооцолдлоо, уруудлаа, доройтлоо, үхлээ, үрэгдлээ.

Хүн гутлаа чирж амьдрах шиг амархан атлаа гутамшигтай зүйл алга аа. Даанч дээ эрчүүд минь бид алийн болгон бусдын нүдэнд торсон єргєс , шүдэнд тээглэсэн мах болж амьдрах ёстой юм.

Эрчүүд бид л єєдлєхгүй бол хүүхнүүд маань єєдлєхгүй хүүхнүүд єєдлєхгїй бол хүүхдүүд маань єєдлєхгүй хүүхдүүд єєдлєхгїй бол хєгшид єєдлєхгүй.

Хэрэв бид энэ чигээрээ яваад байх юм бол манай үндэстэн мєхєж устана. Энэ хэвээрээ яваад байвал Монгол гэдэг үндэстэн байсан юм хэмээн түүхийн номноос унших болно. Бид архидаад залхуураад байвал 1921 онд тусгаар тогтносон улс минь сєнєлєє. Эрчүүд бид бүтэлгүйтсээр арчаагаа алдсаар яваад энэ Монголоо ертєнцєєс арчуулах гэж үү.

Тэгвэл яршиг хамтдаа улс орноо устгаад амар сайхандаа жаргаад дуусъя. Арай ч дээ бид ийм эмгэнэлт тавиланг хїслээ гэж үү.

Больё оо залуус аа бид хангалттай удаан хугацаанд арчаагүй амьдарлаа одоо бид єєрєєр амьдрах цаг болсон. Бид яг єнєєдрєєс эхлэн єєрєєр амьдаръя. Бид яг єнєєдрєєс эхлэн хэцүү ч гэсэн нэртэй тєртэй амьдарч сурцгаая. Залуус бид єєрсдийн цаг үедээ эзэн болж єєрсдийн ачаагаа үүрсэн шиг үүрч сэтгэлийн хаттай, зовхи нь єєдєє , хийморь нь босоо явцгаая.

Єнєєдєр айл бүр эцэг эх бүр хүүхдүүдээ ажилч хичээнгүй , хєдєлмєрч , үг даадаг хамгийн гол нь бизнес сэтгэлгээтэй болгоё. Эрэгтэй хүүхдийг бага балчраас нь архины хор хєнєєлийг таниулж түүнээс хол байлгах хэрэгтэй.

Ялангуяа эрэгтэй хүүхдүүдийг ингэж хүмүүжүүлье. Эмэгтэй хүнийг хайрлах ухааныг багаас нь тархи оюунд нь суулгая. Хүүхдүүдээ юм үзүүлж нүд тайлах боломж олгоё. Ээж аав нар хүүхдүүдээ эрхлүүлэх бус багаас нь амьдралын ухааныг зааж сургадаг байя. Хүүхдэд мєнгєний үнэ цэнэ , мєнгє олох ур чадварын талаар ойлгуулъя, мэдрүүлье.

Єнєєдєр хийе гэвэл хийх ажил эх оронд маань байна. Эх орондоо амьдарч байгаа залуу эр хүн бүр ядаж л нэг ажлыг албан ёсоор хийдэг байя. Чєлєєт цагаараа бизнес хийх арга барилд суралцацгаая, ашиг олж амьдралаа єєд нь татъя. Арга ухаанаа олбол гадаадад дотоодод ч амьдрах боломж байгаа.

Архидаад ажилгүй байгаа залууст:

Та нар єєрсдийн чадах ажлаа юу ч байсан хий, ажилла.
Та нар болсон ч болоогүй ч 2-3 жил тэсээд ажиллахад ажилдаа дадлагажина ур чадвар чинь дээшилнэ. Ажлынхаа хажуугаар нэмэлт сургалтад сур, єєрийгєє хєгжүүл єєрийн чинь үе тэнгийнхэн яаж хєдєлмєрлєж байгааг хар үз.

Та нар ямар ч ажлыг 2-3 жил хийхэд ажлаасаа таашаал авдаг болно. Энэ үед үе тэнгийнхнээ хараад “ зєв атаархаж“ эхэлнэ. Тэдэн шиг сайхан амьдарч тэдэн шиг болох хүсэл тєрєх болно. Хамгийн гол нь ийм байдлаар ажиллахын тулд яг єнєєдєр шийдвэр гарга, хєгширсєн хойноо энэ сайхныг мэдэрч харамсах хэрэг байна уу? Энэ сэтгэл зүй таньд зєв бүрдсэн үед та архи уух битгий хэл уух хүсэл ч тєрєхгүй харин архиа хаяна. Ямар ч хүн ажлыг багаас нь эхэлдэг юм аа. Хэнд ч шууд єнєєдєр сайхан ажил олдохгїй эхлээд хар бор ажлаас эхэл.

Би ч бас тэгж л эхэлсэн.

Єнєєдєр залуу эр хүн та хар бор ажил хийж байгаа бол битгий гутар, битгий гомдол тавь. Шүд зуугаад ажиллаад бай хүн таныг юу гэж хэлнэ ямар хамаа байна. Маргааш би сайхан ажилд орно гэсэн итгэлээр л ажиллаад бай. Єнєєдрийн зовлонт ажил чинь таны дараачийн сайхан ажилд хүрэх шатны гишгүүр гэдгийг бүү март. Ээ дээ єнєєдрийн хийж буй ажлаасаа яарч бүү гараарай эцсийг нь заавал үз сайн сайхан ажил хийх єдєр ирнэ гэдэгт итгээрэй. Боломжтой болсон үедээ сайн ажил руу шилжиж болно ш дээ.

За залуу эр хүн та яг одоо ажиллаж эхэл. Єнєєдєр зовохгїйгээр маргааш сайн сайханд хэзээ ч хүрэхгүй.

Єнєєдєр залуу эр хүн бүр сайхан ханьтай үр хүүхэдтэй нэр тєртэй амьдарх цаг аль хэдийн ирчихээд байна.

За найз минь урагшаа!

Захидлыг Бичигч Кимасергей