Нөхөр ажлаа тараад гэртээ иртэл гэрийнх нь бүх юм эмх замбараагүй болсон байхыг харав. 3 хүүхэд нь гадаа шавар дээр тоглож байна гэнэ. хоосон хоолны сав, аяга таваг нь талаар нэг байв. Эхнэрийнх нь машин гаражны хаалганы дэргэд, нэг хаалга онгорхой хайш яйш хазгай зогсчээ...

Тэгээд цааш өөр өрөөлүү ортол байдал бүр ч аймшигтай байв. Үүдний хивсний нэг зах нь эвхэрсэн, гэрлийн бүрхүүл нь таазнаасаа салж хөндийрөөд бараг л унах шахаж... Том өрөөнд зурагтны дуу эцсээ хүртэл чангарсан, хүүхэлдэйн кино гарч байна. Амралтын өрөөнд шалаар нэг хүүхдийн тоглоом, хувцас хунар... Гал тогооны өрөөний угаалтуурт өглөөний унд уусан аяга таваг бохир хэвээрээ овоолоостой. Мөн нэг аяга хагарчихсан ширээний доор хэвтэж байв. Дээд давхарт гартал шалаар нэг бохир хувцас унагажээ. Энэ байдлыг хараад эхнэрт нь ямар нэгэн муу юм тохиолдож, эсвэл тэр маань хүндээр өвдөж гэж бодон хар хурдаараа унтлагын өрөөрүү гүйлээ.
Ингээд унтлагын өрөөнд гүйж ороод иртэл эхнэр нь хэвтээд ном уншиж байхыг харав. Нөхрөө харсан эхнэр нь уншиж байсан номноосоо түр хараагаа салган толгойгоо өндийлгөж ялимгүй инээмсэглэнгээ өдрийг хэрхэн өнгөрүүлсэн тухай нь асуув.
Нөхөр залуу “Жирийн өдрүүд шиг л” гэж хариулав. Тэгээд араас нь залгуулан маш гайхсан байдалтайгаар “өнөөдөр юу болсон юм бэ” гэж асуув.
Эхнэр нь дахин инээмсэглээд “Чи өдөр болгон гэртээ ирэхэдээ надаас бүтэн өдөржин юу хийснийг минь асуудаг шүү дээ. Тэгээд би өнөөдөр асуултанд чинь хариулт болгож, өдөр бүр хийдэг ажлаа хийсэнгүй” гэж хариулжээ.
Гэрийн эзэгтэйн өдөр бүрийн “гэрийн” гэж нэрлэгддэг тэр ажил гэр бүлийг аз жаргалтай болгодог юм шүү.