Толины нөлөөллийн талаар янз бүрийн тайлбар, онол байдаг. Тэдгээрийн дундаас аль ч шашныханы нэгдмэл үзлийг танд сонирхуулья. Тольтой зөв харьцвал сайн сайхныг хоёр дахин өсгөж, буруу харьцвал муу муухайг хоёр дахин нэмдэг гэж үг байдаг. Тийм учраас, танд толийг зөв хэрэглэх талаар бяцхан зөвлөгөө өгье.

Толины талаар судлагчид бүгд гэрт том толь тавибал айлд гурав дахь хүчин зүйлийн нөлөөлөл үүсдэг хэмээн ихэд цээрлэдэг. Гэхдээ толины талаарх ерөнхий нэг ойлголт аажим бий болсон байна. Гаж үзэгдэл судлаач хэмээн нэрд гарсан америкийн нэгэн иргэн ийнхүү зөвлөж байна.

• Бие өвдсөн, сэтгэл санааны хямралд орсон байх үедээ толидож хэрхэвч болохгүй, тэр ч байтугай хэвтэж байгаа өрөөнөөсөө гаргах хэрэгтэй.
• Унтлагын өрөөнд толь байрлуулах нь хосуудын ялангуяа залуу хосуудын сексийн амьдралд хямрал үүсгэдэг.
• Харанхуй шөнөөр удаан тольдох нь өөрийн ажил үйлст саад тотгор дуудах буюу ойр тойрныхоо хүмүүст гай зовлон авч ирдэг.
• Бүсгүйчүүд өглөөний 06-08 цагийн хооронд биеийнхээ чилээг гаргасныхаа дараа тольдвол тэр өдөртөө амжилт, баяр хөөрөөх дүүрэн байдаг.
• Орныхоо харалдаа толь байрлуулвал үргэлж саад, муу муухайг далладаг учир нойрсох үедээ хавтасыг нь хааж байх хэрэгтэй.
• Толийг өдөрт нарны гэрэл тусахгүй газарт байрлуул. Хэрвээ толинд гэрэл тусаж байвал айл гэрийн эв найрамдал, тайван байдалд муугаар нөлөөлж, бяцхан шалтгаанаар хагаралдах нөлөөтэй.
• Толийг үйлчилгээний газрын хүн байнга орж гардаг хэсэгт харуулж томоор байрлуулбал ашига орлого ихэснэ. Та ч бас энэ зөвөлгөөг өөрийн ажил, амьдралдаа туршаад үзээрэй. Ямар ч байсан сайн үр дүн өгнө гэдэгт итгэж байна.

Гэрийн аль хэсэг хамгийн чухал вэ?

• Үүдний өрөө
  Өөдлөх айл үүднээсээ гэдэг үг байдаг. Зочин угтахад тавлаг сайхан сэтгэгдэл төрүүлдэг гэрийн нэг хэсэг бол үүдний өрөө.
• Угаалгын өрөө
  Гэр бүлийн эрүүл мэнд ариун цэврийг сахин хамгаалдаг хэсэг учраас цэвэрхэн цэмцгэр байх нь хүн бүрт аюулгүй газар амьдарч байгаагаа мэдрэх мэдрэмж төрүүлдэг. Энэ хэсэг "Дэлбэрчихсэн" байвал гэр бүхэлдээ бохир мэт санагддаг.
• Унтлагын өрөө
  Хосуудын хайр хийдэг энэ өрөө гэр бүлийн бат бэх байхад маш чухал нөлөөтэйн дээр бүх орчноос тасран унтаж амрах, шинэ эрч хүч олж авах гээд хамгийн тохижилт сайтай дулаахан мэдрэмж төрүүлэхүйц байх ёстой
• Зочны өрөө
  Зурагт үзэх, хүүхдүүд тоглох, зочид хүлээн авах гээд л унтах, идэхээс бусад бүхий л үйл явдал энд болдог болохоор хамгийн чухал ч байж болно.
• Гал тогоо
  Гэр бүлээрээ хооллох, гэрийн эзэгтэйн гал тогоондоо зогсоод амттай сайхан зоог хийж байгааг төсөөлөхөд л гэр бүлийн хамгийн сайхан дүр төрхийг гал тогооноос харж болмоор ч юм шиг. Тийм болохоор энэ сонголт ч бас их өндөр хувьтай байх нь дамжиггүй.
• Хүүхдийн өрөө
  Бидэнд инээд хөөр, аз жаргал бэлгэлдэг бяцхан үрсийн минь ирээдүй бол гэр бүлийн эрхэм зорилго билээ. Энэ зорилгыг биелүүлэх газрыг гэрийн хамгийн чухал хэсэгт ч тооцож болно